LUKAS 12:18 - ALLAH NIHYET MEM TUNGWATU NYA

¹⁸ Leu api noni kos tut ningon kanti ‘Silet side ig gudan nya hagom lene singot ig gudan di nindig krop hiter bu leu binhyepo sikon side njita kin ndigban hagom eisi.’

LUKAS 12:18 ပူးပေါင်းရင်းမြစ်များ

MAZMUR 17:14

Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

MATIUS 6:26

Ma jingat ha di idimba-dimba nyen nya di indim njita ngan bigyai njita ngat kwei binju hagom ei igudanti bi. Mbro nok gima lo, Jicig ei gwamti nyohou yok! Jibok kak bibor dor njiriek ha dima yok bu.

LUKAS 12:17

Lene noni sindi kan ‘Side ig gudan nsi dem mem side njita dini yok hagom bi. Sibon ndei notou i?’

LUKAS 12:19

Leu api misipai bisanti ‘Singon nggei-hi-nggei! Sima mun nyeng hagom tu. Sinyeng tut njita bijo kikau ba, ngwig leu sa bi. Ma sibong kei sigwam kei! Siyem njita di kei bisidut ba anggur ngei cem lene ma siyai mun bit leu singon kanti hak ug!’

LUKAS 12:21

Mun di buhun dima micut igkep bikwop yo di inju ndigban nindig bibor ei mem yonti noro ibrim ningkek tut mun di bon ninyeng ei Allah niyai him bi.”

LUKAS 12:24

Jitou kep miniwou nya! Indim njita ngan bigyai njita ningat kwei binju hagom ei igudanti bi. Noro Allah nyohou yok! Jibok kak bibor dor njiriek ha nya ibok a!

LUKAS 18:4

Nikei ningkek ndok tut kibom bimpu noni bi wer ninno tu. Nikei kan ‘Singon tindak ba, singondut tungwatu nya cem bi.

LUKAS 18:6

Lene Yesus pai biyok “Ma jiyok ngon kep nikei di ningon sren bi dima nikos tutti!

YAKOBUS 3:15

Ningon kiti dima srek kwei leu gwamti bi noro ntun dihyeisi dini him bikwei leu tungwatu di ingon tindur nya kin ninnei rom nya.

YAKOBUS 4:13

Nogindini ma jingig jitingou mem ditde nipingok jeti tut yo di irai pri tut ingon kanti bisimbot dat “Itou kep ammani e, he njap di hyep e, leu api nuug ei minu nitto nsi hi ba, nitri mun binibipek mitiei kikau mem ari bingwam gom leu api nipwoi mitiei nindig bibor biningkwei sut ri.”

YAKOBUS 4:15

Suar jisimbot dat “Gino Allah joi sut nye biniyai jo lene miniyai midyai hi-hi bu.”