LUKAS 12:17 - ALLAH NIHYET MEM TUNGWATU NYA

¹⁷ Lene noni sindi kan ‘Side ig gudan nsi dem mem side njita dini yok hagom bi. Sibon ndei notou i?’

LUKAS 12:17 ပူးပေါင်းရင်းမြစ်များ

NIBA NINGON SRIP HUKTI 11:2

Ma jippiet jimati dima bak ibou muhwindacan e, he ibou muhwindaningai e ba, jibitin ei nipou tirigi mun di buhun hi cut igkep je bigyo.

YESAYA 58:7

Ma jikwas njita hi tut yo di inggum nya bijicigit yo di ibong lis kui jide igya. Ma jiyai sinsun bak yo di inyeng tut sinsun hi bi nya bijingkek ndok tut jide bat nya au.

MATIUS 16:7

Yoni isimbot kep biyam bipai “Noni sok kep nye nok lewo ipwoi roti hi kwei bi.”

MATIUS 5:42

Gino tungwagom hara je tut mun nyeng hi lene ma jiyai binoni hak ug. Gino hi joi sut ppiet jide mun nyeng hi lene ma jirok noni tut au.”

LUKAS 10:25

Mpe dima ne guru Puig Yahudi nicukti gom kwei ttau kep Yesus leu binhyepo ba Yesus nihyet bisrou Nonti hanyen. Noni hig singgre Yesus “Dibon mun nyeng di tou leu binhyepo ditug ndei niyaijo nijep di jo kikau i?”

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

LUKAS 12:16

Lene Yesus ba nihyet nibiti nindati bingginau yok bipai “Mpe di gom ne tungwagom nyeng tut dihyei hanjop nsi nindig bibor ba, biyai njita nindig krop.

LUKAS 12:18

Leu api noni kos tut ningon kanti ‘Silet side ig gudan nya hagom lene singot ig gudan di nindig krop hiter bu leu binhyepo sikon side njita kin ndigban hagom eisi.’

LUKAS 12:22

Lene Yesus pai bak yo di igya kui Noni “Gima rino dipai bije bipia ma jingon bos-bos nyen tut njita di jiyem kin sinsun di jijuk au.

LUKAS 12:29

Gima rino ma jingon bos-bos nyen tut njita di jiyem kin ndia ngei di jidut au.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 16:3

Gima rino mindor dima kan ‘Siceu miciu ser sinyeng mindor. Sibon ndei notou i? Sisindem mem siwim dihyei cem sitig jui cem bi ba, simmai sut gima sigwam tindei tungwatu nya bisahara yok tut mun di bahati tut sa.

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 19:17

Niceu pai binoni ‘Kei bibor! Nani ne awak di ningon gom ri! Midita nani nok nibou mem minu ttou nsi simnai lewo ajoi bibor tut mun di nimien dima.’

LUKAS 3:11

Yohanes buhup “Suar no di nyeng tut sinsun ninda ningat can kwas hi tut no di ma sinsun hi bi. Suar no di pwoi njita kwas hi tut no di nggum.”

KISAH 16:30

Leu api buwak yok kwei ei nisai bihig ser yok “Andigpoi jen, dibon mindei mem gima diyai niteu leu sisar kin niyaijo nijep i?”

KISAH 2:37

Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

YOHANES GI NIGOM 3:16

Ingon dorti tut mun di bindei mbut ningon ngakei yamti tug hon Kristus di kes niyaisi ei mem nye. Ma nyeni cem ikes igyaisi ei mem isut bat nya!