LUKAS 12:16 - ALLAH NIHYET MEM TUNGWATU NYA

¹⁶ Lene Yesus ba nihyet nibiti nindati bingginau yok bipai “Mpe di gom ne tungwagom nyeng tut dihyei hanjop nsi nindig bibor ba, biyai njita nindig krop.

LUKAS 12:16 ပူးပေါင်းရင်းမြစ်များ

AYUB 12:6

Noro yo di ipos mun igkei nya ibong kei igwam kei. Mun di buhun cut igkep yo di ibungwam ndam gima isrep tut Allah. Ide kwar di iba ingon com ne yonti ide nisindemti he ri.

AYUB 24:23

Mbro nok gino Allah sindui sut ba, no di sibut bong kei gwam kei lo, Noni ngig niyai kep yok bijo kikau.

MAZMUR 73:12

Yo di isibut nya ipai nok gima. Ibong kei igwam kei bikum ei ide mun di inyeng tut nya bu bijo ninno.

MAZMUR 73:3

Lewo dibou dut tut yo di ingon jei nya tirigi dingat bou diyai him bipia yo di isibut nya ibong kei igwam kei.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

HOSEA 2:8

Atnem pai jit bipia Dani rino diyai gandum kin ba anggur ngei kin mini zaitun kin mas kin perak binoni di bikuk no bak Baal bi sren.

MATIUS 13:8

Noro njita ngan nindigsi cut ug ei dihyei suti apino nikioi hei ba, ningat ntun him. Ninjem hi ningat sratus gom ntun him. Ninjem hi bu ningat ningot muhwindagom ntun him. Ninjem hi bu ningat ningot ningai ntun him lene bikwop nok.”

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 12:17

Lene noni sindi kan ‘Side ig gudan nsi dem mem side njita dini yok hagom bi. Sibon ndei notou i?’

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”