LUKAS 12:15 - ALLAH NIHYET MEM TUNGWATU NYA

¹⁵ Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 12:15 ပူးပေါင်းရင်းမြစ်များ

NIBOU NDIG NYA GI NIGOM 2:40

lene ba mun di gwam dip bijuk nide keledai ninghim leu api kui bigwam dip buug ngat Nibou Ndig Akhis ei Gat binggok nide awak cin pima. Ngat yok tu lene buwak yok bingkwei hanyen kwei ei minu ndig Yerusalem.

AYUB 2:4

Noro Bilis buhup “Niyaijoti kin ninghuisi kwesti nibok kak bibor dor njiriek ndigban nibok a. Tungwatu nya isindui sut ba, ide ndigban hagom sar bingwig leu yok leu binhyepo ibipek ide niyaijoti.

MAZMUR 10:3

Yo di isibut irai pri tut ingon kanti di kinei bibor nya. Yo di idrui bou ngwak irom ighyet kui tuhan bikou sut Noni cem.

MAZMUR 37:16

Ndigban gom-gom di no di ningon sren nyeng tut nibok kak bibor dor njiriek ndigban mang bibor di yo di inyeng nya inyeng tut.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

NIPINGOK NINGONTI 15:16

Mbro nok gino ade ndigban gom-gom he lo, gino attin tut tuhan lene gini kei bibor leu gima ade ndigban nindig bibor lo, angon bos-bos nyen tut.

NIPINGOK NINGONTI 16:16

Ningon kiti kin nintin kimboti kei bibor kei dor njiriek niyai mas kin perak.

NIPINGOK NINGONTI 28:16

Nibou ndig di hwen bit nide limwa nya nintin kiek. Nibou ndig di ningon mpo tut sisar ninyeng mitak kep bijo ninno.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

MIKHA 2:2

Gino ingon pri kep tungwagom de beisi lene ipos beisi dima leu noni hak ug. Tirigi iba yoho rok hiter de ig ne ijji ig ceu leu lene ibong ser ig dima binok ide bu. Bit bon tungwatu nya ingon jo nyahan tut mun di inyeng tut nya kin ide bat nya cem kan bi.

HABAKUK 2:9

Jitug ndei nisigion jeti tu! Lewo jibindei ba, jide bat nya inyeng bibor tut mun di jiba jimbuk bipos leu tungwatu nya. Jingot jide ig di kei bibor kei leu binhyepo jide bat nya ibong kei igwam kei ei mpia di ting bibor leu mun di buhun kin mun di yok nisinsiou ei yoti.

MARKUS 7:22

icut tut hi nitnem cem iris yam cem iba yoho rok mun di mipror yon cem imbuk tut yam cem ikrar kep yam cem ingon kinei sut yam cem ikucang yam cem ingon jei cem ingon tindur cem hagom.

LUKAS 12:16

Lene Yesus ba nihyet nibiti nindati bingginau yok bipai “Mpe di gom ne tungwagom nyeng tut dihyei hanjop nsi nindig bibor ba, biyai njita nindig krop.

LUKAS 16:14

Tirigi Farisi nya imiap Yesus ningginausi lene ipa ndip Noni lewo iba yoho rok mitiei nindig bibor.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

LUKAS 8:14

Njita ngan di cut ug ei bohousi bindo tut yo di imiap nihyet noro ingon ku yonti tut mun di pror yon lene iba yoho rok mitiei nindig bibor kin ndigban di ingat ingwes eisi cem apino gima yok hagom ceu nihyet leu api ningat ntun him bi.

KORINTUS GI NIGOM 6:10

kin ninggimang kep mun cig kin yo di idrui bou ngwak kin nidut kep mun di pu yok cig kin yo di ikkin kep hiter ninghapti kin yo di iris mitiei leu tungwatu yahagom inggre kin Allah Ninyeng Tak Kepti bi sren.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

2 TIMOTIUS GI NICAN 3:2

Mpe dima lene tungwatu nya idrui bou ngwak cem ingat ingwes ei mitieiti cem inggei-nggwang cem illei-lau cem ighyet tigut yam cem isrep tut icig bat-ipmem bat nya ighyet cem ipai sigyo kan bi cem isingat bi cem,

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YOSUA 7:21

Dingat sinsun ndok di jei di kei bibor kei gom di mben Babilonia ibon bou inda him ba, mitiei perak di dem kilo can biniken cem mas nindak gom di dem kilo niken binjiriek di jo srig ndigban di nyeni nipos pima. Dingon pri kep ndigban dima yok bibor leu api dimbus ei mem danti bidiku hagom nyahan ei dihyei jou ei ditde prak meng nsi lo, mitiei perak pima jo nijou ngat.”

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.