LUKAS 11:42 - ALLAH NIHYET MEM TUNGWATU NYA

⁴² Aye! Buhun bibor mem je di Farisi nya! Lewo jikwas jide mun di bindei njita nyop kei gom leu ningot gom tut Allah noro jiba jinghim bak ningon srenti kin ningon ngakei Allahti. Suar jiyai igbit mun dini yok lene ma jingon prion ser nicukti nya pima cem au.

LUKAS 11:42 ပူးပေါင်းရင်းမြစ်များ

NEHEMIA 10:37

Minittei tepun di niba gandum di nikos nimbie him ngat biniyai bak imam nya ei tuhan De Ig bikwop ari bingwam. Miniyai nok gima tut munkwas nindigsi nya nok ba anggur ngei kin mini zaitun ngei kin biei ngat nindigsi nya cem. Minikwas ningat leu miaisi gom leu ningot gom lene nok leu api nikes hagom ei Lewi nya indati. Lewo yoni ingon ya mem gima imbus munkwas nya gom leu ningot gom lene nok gima bidem minu ndig di niyai miai eisi nya hagom.

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

NIBA NINGON SRIP HUKTI 7:18

Ma aom na leu mun nyeng cin pima hacem lewo yo di iba ingon gom bikuk yok bak Allah migyai bipek kep ningon kanti mem yok.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MALEAKHI 2:17

Allah ningon ngehen tut jide nisuglai kwopti. Noro jihig ser da “Nibindei ba, tuhan ningon ngehen notou i?” Lewo jipai “tuhan ningon ngakei yo di ibon mun dimbuk yahagom ba, ningon kwes kin yok.” Ba, jihig ser da bu “Allah di tungwatu nya ikan bipia ningon kwes-kwau No ritou i?”

MALEAKHI 3:8

Nogindini dihig ser je ‘Da di Allah disindui sut tungwatu nya biris Da e?’ Jo nibreisi bipia bit bon jiris Da bi sren. Noro jiris Da tu bijihig ser Da ‘Notou niris Na i?’ Dibuhup “Jiris Da tug hon munkwas di jiyai biDa bi. Gima ne mitiei gom leu ningot gom, gom leu ningot gom kin mun di jinyeng tut di jikwas mikuisi tut Da bi cem.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MATIUS 23:23

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jikwas jide mun di bindei di njita nyop kei gom leu ningot gom tut Allah. Noro jiba jinghim bak mun di bon ninyeng ei Allah niggai serti nok ningon srenti kin ningondut yamti kin ningon gomti. Suar jiyai igbit mun dini yok lene ma jingon prion ser nicukti nya pima cem au.

MATIUS 23:27

Aye! Notou mem je di guru Puig Yahudi nicukti kin je di Farisi nya i? Jingon can yo! Lewo jinok jui dip di iba ap bihwen nisai bingat lo, dia-diau kei noro bei ninsi lene mpung tut nimai njum kin nimbiam ngut di mpiei.

LUKAS 18:12

Diyem njita bi mbican mem nituti poi bikwop ari nitindur gom bidikwas mun di dima nya gom leu ningot gom tut Na.’

YOHANES 5:42

Dikan tut jingonti bidikan tut bipia ningat ne jingon ngakei Allah bi.

YOHANES GI NIGOM 4:20

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.