LUKAS 11:40 - ALLAH NIHYET MEM TUNGWATU NYA

⁴⁰ Jingon mbum bibor! Allah di bon bei nisai dima bon bei ninsi cem bi e?

LUKAS 11:40 ပူးပေါင်းရင်းမြစ်များ

NITRITI 1:26

Lene Allah pai bu “Nogindini ma ipai tes tungwatu nya noyam kin nyeni ba, idat nyeti. Leu binhyepo inyeng tak kep wau nya kin ha nya kin mindhe-ndhe nindigsi nya hagom. Gi hi di tungwatu nya ighyen kep kin gi hi di ibong bigbehei nya kin gi nindig nya kin nimien nya cem hagom.”

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

MAZMUR 14:1

Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

MAZMUR 33:15

Noni pijuk yahagom ingonti biyai nisindemti biyok leu binhyepo ikan-kan nyen. Noni kan bidem tut igyai munti nya hagom.

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 8:5

Ma je di jimahan bigyo e, jita jibou ei ningon tekti. Je di jingon mbum e, ma jisindui sut ba, jipmem bat nya imiep jingona.

YEREMIA 5:21

“Je di jingon mbum ba, jibbwe e, ma jingig jitingou mem dihyet! Jimbun jiyai noro jigingat mpia bi! Jimbun jitingou noro jigimiap mun bi!

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MATIUS 23:17

Jingon mbum ba, jiyai tu! Gi tou ribon ninyeng i? Mas e, he Tuhan De Ig di bindei ba, mas dima kwes e?

MATIUS 23:26

Je di Farisi nya e, jiyai tu! Ma jipiap mok kin den ninsi bipwoi kei nipou ug e leu binhyepo nisai cem pwoi kei.

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

LUKAS 24:25

Lene Yesus pai biyok “Jingon mbum yo! Jingon tindak cem lewo jingon jo kep mun di tibim ei nabi nya yuhui him bi!

KORINTUS GI NIGOM 15:36

Angon mbum yo! Mpe dino andim njita ngan lene nisina bai mai ei dihyeiti nipou leu api nikioi hei bram bu.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.