LUKAS 11:22 - ALLAH NIHYET MEM TUNGWATU NYA

²² Noro gino no di sindem njiriek noni cut igkep noni bihwen noni leu lene bipos nide minggwen di ba ningon com nya leu noni nipou ug e. Leu api ninggimang kep mun cig dima nggek nide ndigban nya hagom bikwas tut nisut bat nya.

LUKAS 11:22 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NEHEI LEUSI 15:9

Siceu nya igyok ingon gom mem gima yuhuk bram nye bikat nye lene mihit ide simeda bicok tut nye. Leu api mipos nyende ndigban hagom bingwig leu nye apino mikwas hagom tut yam ba, inggei ngwig sut.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

LUKAS 11:21

Gino no di sindem bibor tin ei nide minggwen nya bitindei ser ninggimang kep mun cig nya ikweisi ne bit bon hi nggek nide ndigban kan bi.

LUKAS 11:23

No di tti kin Da bi tte tut Da. No di mpu Da bi nggek tut Ditde midyai nya.”

EFESUS 6:11

Ma jijuk sinsun pran di Allah yai bije titut yam leu binhyepo dem mem jibiya ser ba, jibikon pran bit Bilis ei mpe dino noni ba nisinati di kinei bicom biei mpup ris je.

EFESUS 6:13

Gima rino nogindini ma jijuk sinsun pran di Allah yai bije! Leu binhyepo jidem mem gima jitindei ser siceu nya di icut igkep je mem nijam di biang mun di kinei. Ba, tirigi jikon pran buug ei ningwigsi lene je hei nok nikon pran cig.

KOLOSE 2:15

Kristus ba Nide biei salip bibindei ba, ninnei nya di inyeng tak kep mpia-bbed him kin dihyeisi dini isindem bu bi. Noni bimangkrei yok bindo yok brei ba, ittei yam kui-juk nyen nok nimpung di isima drek dip Kristus nibindei cut yokti.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

YOHANES GI NIGOM 4:4

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.