LUKAS 11:1 - ALLAH NIHYET MEM TUNGWATU NYA

¹ Mpe di gom bu lene Yesus ug ngat nadi ei mpia ttou nsi gom. Tirigi Noni kes nadi hon tu lene no di ya kui Noni gom pai “Tuhan e, angginau nye tut nadi bit leu nok Yohanes ngginau yo di igya kui noni tut nadi.”

LUKAS 11:1 ပူးပေါင်းရင်းမြစ်များ

MAZMUR 19:14

Ma anyohou da ser nhyepo dibisinggre bidibon sisar ba, sisar dima ninyeng tak kep da cem au. Tug hon nisinati dima ne sisar nimap mikui dati bi ba, dingon ngun leu nipigau hanjopti.

YUDAS 1:20

Noro disut bat jen, ma jiba jide niba ningon com Yesus Kristusti di kwes-kwau bingot jide niyaijoti noyam kin jingot igya. Lene jibingat nadi kin nisindemti di kwei leu Ninnei Gi Kwes.

LUKAS 6:12

Mpe dima lene Yesus kui bigwam ei mbigdip gom leu binhyepo huk nadi bak Allah kikau binjap kep.

LUKAS 9:18

Mpe di gom bu tirigi Yesus ngat nadi biNongkom lene yo di igya kui Noni induk yam bingwig ttai Noni. Noni hig ser yok “Tirigi tungwatu nya ihig yam tut Dani lene ipai Dani ne tou rin i?”

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

LUKAS 9:28

Niabiati ari gom kep Yesus ningginau tungwatu nyati pima leu su lene Noni buwak Petrus kin Yohanes kin Yakobus bikui sut yok ug ei mbigdip gom leu binhyepo ngat nadi.

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

LUKAS 7:13

Tirigi Yesus ngat kibom dima lene ngondut noni bipai bak “Sindig e, ma ayai nggwei kibor au!”

LUKAS 7:19

bisok nihyet ei yok dip bak Tuhan Yesus bihig ser Noni “Nani ne No di Allah preu ei mem nye tut nikweisi pima rin e? He suar nimem kep ser hiter bu e?”

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 11:2

Gima rino Yesus buhup “Gino jingat nadi lene ma jipai, ‘Arig e, Nani ne Allah Gom ngat. Handei kon ba, ma tungwatu nya yahagom inggei sut Na tut anyeng di kwes-kwau. Handei kon ba, ma akwei bindei ba, anyeng tak kep dihyeisi dini hagom.