LUKAS 10:42 - ALLAH NIHYET MEM TUNGWATU NYA

⁴² noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 10:42 ပူးပေါင်းရင်းမြစ်များ

MAZMUR 119:111

Ade nicukti nya ne dijem bou da nok ditde mun ninda rom bijo ninno bijo kikau ba, hagom bindei ba, dingon llei nindig bibor.

MAZMUR 119:173

Ma atin ei ba, ampu da bikwop mmun-njap lewo dikos tut bipia midibit Ade nikos tutti nya.

MAZMUR 119:30

Dikos tut bipia dibit ahyet. Dikan-kan nyen tut Ade nikos tutti nya tu.

MAZMUR 142:5

Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 73:25

Ditde Allah e, Nangkom ei gwamti ampu da. Ter leu Nani lene disuar tungwatu dihyeisi dini mem gima impu da bi.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

MARKUS 8:36

Notou mem no di nyeng tut ndigban hagom ei dihyeisi dini noro bimangkrei nide niyaijoti i? Gini kei mem noni e?

LUKAS 10:39

Sop dini bon nikinjoi Maria di kuk no ei Yesus nimig him bingig nitingou mem Yesus ningginausi.

LUKAS 11:1

Mpe di gom bu lene Yesus ug ngat nadi ei mpia ttou nsi gom. Tirigi Noni kes nadi hon tu lene no di ya kui Noni gom pai “Tuhan e, angginau nye tut nadi bit leu nok Yohanes ngginau yo di igya kui noni tut nadi.”

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 16:2

Gima rino andigpoi hig nide mindor kwei bihig ser noni ‘Anghapti di tibim kwei bida nijit-jau e? Ma apas kep tut ade midyai ninyohou ditde ndigbanti dima hagom ei srat laporanti ba, ayai bida. Bit bon dijem anyeng mindor di nyohou ditde mitiei kin ndigban bu bi.’

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 8:18

Gima rino ma jiyok ngon kep mun di tibim ei jitingou nsi. Lewo Allah mikum eisi bak no di nyohou mun di jo binoni noro Noni mitug niken hanyen leu no di nyeng tut mun nyeng hi bi.”

YOHANES 11:1

Lazarus bong ei minu mien Betania bit nikwohop bat cin di Maria kin Marta.

YOHANES 11:19

mben Yahudi imang bibor ikwei gwam ser Marta kin Maria ingon tut ikijam di mai leu yok tu.

YOHANES 12:3

Leu api Maria kwei sut ampou tut mini mbris di iba wangi nigau di nibok kak bibor nuut gom bikiber ei Yesus nimig hacemti leu api ba nonti nibou nta bidip ninggou leu. Mini mbris nuui-gwang keisi kieng kep ig bei hagom.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

KORINTUS GI NIGOM 13:3

Mbro nok gino ditri mun di dimbun nya hagom bingwig leu da bidibipek mitiei lene dikwas tut nuhui mbum nya e, he dibikes dingut ei mem dibiyai nimai ei humti e, noro gino dingon ngakei tungwatu nya bi lene dibitug ndei mun nyeng hi bi.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

YOSUA 24:22

Gima rino Yosua pai biyok “Mun di jisimbot dat dima tibim ei jitingou nsi tu. Jikos tut bipia mijikuk je bak tuhan Nongkom tu e?” Lene ibuhup “Igbit ri. Nyende nikos tutti tibim ei nyeni nitingou nsi tu.”