LUKAS 10:15 - ALLAH NIHYET MEM TUNGWATU NYA15 Nok gima tut je di timiei minu ndig Kapernaum cem! Jijoi sut jingon di jei kui sur mpia-bbed him e? Noro Allah micom je ug ei hum njengti!” အခန်းကိုကြည့်ပါ။ |
Biei dima bindo tut nibou ndig minu Mesir bitut nide limwa nya. Biei di hei ei miai Eden hi gi jei bibor ba, kei-kau nok biei dima bi. Noro tini bu ne biei dima juk ug ei minu nimai nya ide noyam kin biei Eden nya bibicom yam bit yo di ikan tut Allah bi kin yo di ikrop ei pranti nya. Da di tuhan Di Dinyeng Jei Bibor disimbot dat tu.”
Hi ba midut di bon ninyeng bitig yok noyam kin yo di mimbri kui ingkek di ibrim ingkek di nipou nya bi. Yo di ibrim ingkek di mimbri kui ingkek ijuk ug ei minu nimai nya ide bitut ide minggwen hagom poi ggai. Itig yo dima ba, ibitau singau simeda. Lene ikes mun di ibipukep tibor ninggwenti nya bijo ei ingget dip. Mpe di igyaijo yo ne yo dima ibrim ingkek bibor ba, hiter nya yahagom ittin tut yok.
Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’