LUKAS 1:77 - ALLAH NIHYET MEM TUNGWATU NYA

⁷⁷ atri tut bak Nide limwa nya bipia Noni miteu yok leu sisar leu binhyepo igyai niyaijo nijep tug hon gi igyai nikos ser ide sisarti.

LUKAS 1:77 ပူးပေါင်းရင်းမြစ်များ

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

LUKAS 3:3

Gima rino Yohanes mbut bidem minu di gahai Minyei Yordan nyai hagom bitri tut Allah nihyet bak tungwatu nya bipai “Ma jittin ser jide sisar bijikiek ndam Allah leu api jiyai nitur je ei minyeiti leu binhyepo Allah mikos ser jide sisar.”

LUKAS 3:6

Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 19:4

Lene Paulus pai biyok “Nitur tungwatu ei minyeiti di Yohanes tri tut dima mem yo di ittin ser sisar bikiek ndam Allah. Noro mpe dima lene Yohanes tri tut bipia suar mben Israel ingon jo kep No di ya abia kep noni ba, No dima ne Yesus ri.”

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

ROMA 3:25

Allah sindui sut Kristus Yesus ei leu api Yesus mai nok nimbiam bibindei ba, tungwatu igyai gi kos ser ide sisar drek dip ide niba ningon com Noniti. Allah yai nok gima leu binhyepo ndo ningon di sren-srau brei binye. Gi nipou kwei bipek ammani kep ne Allah om ningon tut tungwatu nya ide sisar bikes hukum ei yok dip bi.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.