LUKAS 1:68 - ALLAH NIHYET MEM TUNGWATU NYA

⁶⁸ “Jikwei ba, inggei sut mben Israel ide Tuhan. Lewo Noni kwei mpu Nide limwa nya ba, kwek yok leu mun di kat yok.

LUKAS 1:68 ပူးပေါင်းရင်းမြစ်များ

NITRITI 14:20

Ma tungwatu nya inggei sut Allah Di Ninyeng Jei Bibor di sindem tut na dino ahwen ade siceu nya bicut bina tu.” Lene Abram hit ndigban po pos pima hagom bikwas gom leu ningot gom lene gom leu ningot gom tut Melkisedek.

NITRITI 24:27

bipai “Dinggei sut tuhan di ditde andigpoi Abraham kuk no bak lewo jo nibreisi bipia tuhan ningon gom ba, yai hagom bit leu nok gi po preu ei mem andigpoi Abraham pima tu. Noni bie tut da hammi ndam andigpoi nide bat nya tu.”

NITRITI 9:26

Jikwei ba, inggei sut tuhan di Sem de Allah. Kanaan minok awak mem Sem.

NIBOU NDIG NYA GI NIGOM 1:48

bipai “Jikwei ba, inggei sut mben Israel ide tuhan Allah lewo Noni ta no di ntun dani him biya luei dohoti nok nibou ndig di nijep ei njap di ammani tirigi dimai bigyo tu.

NIBOU NDIG NYA GI NIGOM 8:15

Lene noni pai biyok “Ma nyeni yahagom inggei sut mben Israel ide tuhan Allah! Noni yai mun di Noni preu ei mem dicig Daud hagom nok gi dem bit leu nok gi po pai binoni,

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

MAZMUR 106:48

Jikwei ba, ikon Israel de tuhan Allah ninyeng nogindini bijo ninno bijo kikau cem. Jikwei ba, nye di tungwatu yahagom ipai “Igbit ri!” Ma jinggei sut tuhan!

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 130:8

Noni miteu nide limwa di mben Israel leu ide sisar nya hagom.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

LUKAS 1:71

leu binhyepo teu nye leu ide siceu nya kin yo di ingon mpo tut nye nya yahagom inda nsi ba,

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

LUKAS 2:38

Hammi tirigi noni coi kwei bittau kep yok rino noni nggei sut Allah. Leu api ug tri tut ningwoi-ngwoi dima bak tungwatu nya di imem kep ser tto bou di Allah bindei ba, timiei minu ndig Yerusalem igyati kwes.

LUKAS 24:21

Noro nikan bigya Noni mikwek nye di mben Israel ba, niyati kwes hanyen! Lene gima he bi lewo mun dima cut igkep Noni acan ba, njap di ammani ne dem njap ningai su.

LUKAS 7:16

Tungwatu ningot ndig dima yahagom inghuisi mpig sut binggei sut Allah bipai “Nabi di ninyeng jei bibor kiju ei nyeni ikieti tu! Allah kwei leu binhyepo mpu Nide limwa nya bikwek yok leu mun di kat yok!”

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

SAMUEL GI NIGOM 25:32

Lene Daud pai bak Abigail “Dinggei sut mben Israel ide tuhan Allah di pinak na di akwei um da ei njap di ammani.