LUKAS 1:46 - ALLAH NIHYET MEM TUNGWATU NYA

⁴⁶ Lene Maria pai, “Dingon nggei sut Tuhan.

LUKAS 1:46 ပူးပေါင်းရင်းမြစ်များ

MAZMUR 35:9

Lene midimbos-hi-mbos tut tuhan ninyenga. Dingon cem minggei-hi-nggei lewo tuhan teu da bidingwes ngun.

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

KORINTUS GI NIGOM 1:31

Gima rino bit leu nok gi ipas ei Allah nihyetti “Tungwa tou rino nggeinggwang lene ma nggeinggwang tut Tuhan de midyai nya.”

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.