LUKAS 1:20 - ALLAH NIHYET MEM TUNGWATU NYA

²⁰ Mun di dipai mipek kep mem na. Noro hon kep ammani kui ne abbwe kikau ba, ahyet tibim leu ahui him bi bibou mun di dipai bina mipek kep mem na ug e. Gima hagom drek dip angon di jo kep dihyet bi ri.”

LUKAS 1:20 ပူးပေါင်းရင်းမြစ်များ

NIBOU NDIG NYA GI NICAN 7:19

Noro nibou ndig nitom pai bak Elisa “Mbro nok gino tuhan pinak gandum kwei leu gwamti mem nye lo, bit bon mun di apai dima mipek kep mem nye kan bi!” Lene Elisa buhup “Mbigom lene ma angat mun dima yok hagom bou ayai him noro ayem njita dima bi sren.”

NIBOU NDIG NYA GI NICAN 7:2

Noro nibou ndig nitom pai bak Elisa “Mbro nok gino tuhan pinak gandum kwei leu gwamti mem nye lo, bit bon mun di apai dima mipek kep mem nye kan bi!” Lene Elisa buhup “Mbigom lene ma angat mun dima yok bou ayai him noro ayem njita dima bi sren.”

NEHEI LEUSI 4:11

Lene tuhan buhup “Tou ripai tes tungwatu nya yuhui i? Tou ribindei dino tungwatu nya itingou nam ba, ibbwe cem i? Tou ribindei dino tungwatu nya igyai piga ba, igyai tu cem i? Da di tuhan diyai mun dima yok hagom kan.

YESAYA 7:9

Mben Israel ide nisindemti nindig dor njiriek minu ndig Samaria bi ba, minu ndig Samaria de nisindemti nindig dor njiriek Nibou Ndig Pekah bi. Gino aba angon titut bicom Da bi lene acut bak ade siceu nya.”

YEHEZKIEL 24:27

Njap dima dem lene aji di nggicai dima minggan ba, ambrap hanyen bu leu api abbwe bu bi. Lene ambrap bit no dima. Tug hon nisinati dima lene abindo bindo mem tungwatu nya. Leu api yoni mikan tut bipia Dani ne tuhan ri.”

YEHEZKIEL 3:26

Midibindei ba, adwe nggicai leu binhyepo bit bon asok kep yo di yaham imbuk kep Da kan bi.

DANIEL 10:15

Tirigi noni pai bida nok rino duhuk bou ba, digimbrap bi.

MBEN ISRAEL IMBUT-MBUT NYEN 20:12

Noro tuhan srep tut Musa kin Harun bipai “Jiba jingon com Da haigtu ba, jindo Ditde nisindemti di kwes-kwau brei ei mben Israel igyai him bi. Gima rino midice tut gima jibuwak mben Israel ug ei minu po dipreu ei mem yok pima bi.”

MARKUS 16:14

Gima leu lene Yesus ndo Nonti brei bak yo di igya kui Noni ibou simnaibrimiggom tirigi igyem njita. Noni sinsam yok tut ide niba ningon com Noni mungkun bisi ba, ingon bit yo di ingat Noni bou igyai him tirigi kiju hanyen leu nimai eisi tu pima ighyet cem bi.

MARKUS 9:19

Lene Yesus buhup “Mei! Jo nibreisi bipia jiba jingon com Da bi! Diya tut je njap pig bu i? Doom dingon tut je njap pig bu i? Juusap noni kwei biDa!”

LUKAS 1:19

Malaikati buhup “Dinyeng Gabriel. Diya hak ei Allah Noho bei. Noni cuk da kwei leu binhyepo ditri tut nihyet di kei dini bina.

LUKAS 1:21

Lo bi lene yo di imang bibor igya kikau bimem kep ser Zakharia nitau hanyenti ba, ingon kiowi tut midut di noni yai bijo ninno dima.

LUKAS 1:22

Tirigi noni hei kwei lene bit bon mbrap bit yok kan bi. Noro ba ninda ngon ndiyok biyok lewo noni bbwe. Yoni ikan tut bipia noni ngat ningat-hi-ngat gom bou niyai him ei Tuhan De Ig tu.

LUKAS 1:45

Angon nggei-hi-nggei lewo angon jo kep bipia mun di Allah pai bina mipek kep mem nani yo!”

LUKAS 1:64

Hammi tirigi Zakharia pas Yohanes ninyeng rino niji nggan bu bimbrap hanyen binggei sut Allah.

ROMA 3:3

Mbro nok gino mben Yahudi bihi ingon gom bi lo, gini ndo bipia Allah ningon gom tut tungwatu nya bi e?

2 TIMOTIUS GI NICAN 2:13

Gino ingon gom tut Noni bi lene Noni ningon gom kikau lewo bit bon bikep ser Nonti kan bi.”

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.