LUKAS 1:15 - ALLAH NIHYET MEM TUNGWATU NYA

¹⁵ Noni miyai ninyeng di jei ei Allah niyai him. Ma noni dut ba anggur ngei kin mun di pu tungwatu nya au. Ninnei Gi Kwes misrek kwei ei ningonti nipou tirigi nipmem srek tut bigyo.

LUKAS 1:15 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 48:19

Noro nicig kou sut bipai “Dipmot na, dikan tu dikan tu. Dwai. Manasye miyai ninyeng di jei leu api nide nintun him yamti di bram yam nya midigek kep mpia. Noro nikinjoi miyai ninyeng di jei bibor bu leu api nide nintun him yamti di bram yam nya inok pung di keret nya imang bibor intun him.”

NIBOHON MBEN ISRAEL GI NIGOM 17:8

Dimpu na bidem aug eisi nya hagom lene dibindei ba, ade siceu nya cem isar bingwig ei mpe di akon pran bit yoni. Midibindei ba, anyeng jei bibor noyam kin nibou di inyeng jei nindigsi nya ei dihyeisi dini.

NIBOHON MBEN ISRAEL GI NIGOM 29:12

Mun di tungwatu nya inyeng tut nya kin ide mun di imati nya kin igyemti nya hagom kwei leu Nani. Anyeng tak kep mun nyeng hagom tug hon Ade nisindemti kin anyeng di jeisi cem. Ade nisindemti dem mem gima abindei ba, tungwa hi ninyeng jei ba, sindem bibor cem.

MAZMUR 22:9

Ipai “Aba angon com tuhan bi e? Nggon rino Noni teu na ba, angwes ngun bi i? Gino Noni joi sut na lene nggon rino Noni mpu na bi i?”

YEREMIA 1:5

“Nipou tirigi dipai tes na ei apmem ninghopti ba, noni srek tut na bigyo lene didimig na bidikon anyeng nok nabi mem mben dihyeisi dini hagom.”

YEREMIA 35:6

Noro ibuhup “Nyeni nigidut ba anggur ngei bi sren. Yonadab di nidigup-nidigai Rekhab nipmot ggai ser nye kin nyende nintun him di bram yam nya tut ba anggur ngei binidut bi. Niggai serti dima jo ninno bijo kikau.

IMAM NYA IDE MIDYAI 10:9

“Tirigi niabiati jidut ba anggur ngei kin mun ngei di pu yok bingwig leu su lene harin dima nani kin apmot bat nya jicoi ug ei Ditde Prak Meng nsi a. Gino jipigau nicukti dini lene mijimai hak ri. Suar ade nintun him yamti di bram yam nya cem yahagom ibit dicuk jeti dini kikau.

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

LUKAS 1:14

Apino angon minggei-hi-nggei ba, ayai nillei cem. Tungwatu nya imang bibor mingon llei bibor ei mpe dino nipmem srek tut noni!

LUKAS 7:28

Ma jiyok ngon kep bipia ei dihyeisi dini ne no di ninyeng jei dor njiriek Yohanes di tur tungwatu nya ei minyeiti hi bi sren. Mbro nok gima lo, no di bon ninyeng bi ei Allah ninyeng tak kepti ninyeng jei dor njiriek noni.”

LUKAS 7:33

Yohanes ttau kwei lene noni yem njita bi mem nituti poi bidut ba anggur ngei bi sren noro jisrep bijipai ‘Ninnei rom ya ningonti!’

YOHANES 5:35

Yohanes dima ne mini njeng di piga digai puig mem je rin lo, jijoi sut noni mem njap poi he.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

GALATIA 1:15

Noro Allah singat tut da bidimig da habiei ei dipmem ninghopti bidinok Nide awaga.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

YOSUA 3:7

Lene tuhan pai bak Yosua “Midibon mindur mem njap di ammani di mibindei anyeng di jei ba, mben Israel sindi minggei sut na tirigi jo nibreisi mem yok bipia dingat rin bit na dem kep nok gi dingat rin bit Musa nipou su.

YOSUA 4:14

Mun di tuhan bibon mem yok njap dima bindei ba, mben Israel ikon Yosua ninyeng bijei. Lene ikon ninyeng kikau ug bipek niyaijo ningwig honti kep dem kep nok ikon Musa ninyeng ei nipou pima.