KORINTUS GI NIGOM 7:9 - ALLAH NIHYET MEM TUNGWATU NYA

⁹ Noro gino gimbun joom kep jingut kanti nya kan bi ne nnaba jiwak yam hak ug. Niwak yamti kei dor njiriek nibou buwei kep yamti.

KORINTUS GI NIGOM 7:9 ပူးပေါင်းရင်းမြစ်များ

TIMOTIUS GI NIGOM 5:14

Gima rino dijoi sut bipia kibom di pilei nya iwak ijjep bat nya hi bu leu binhyepo igyai imunggwom ba, inyohou ide ig bei nsi nya. Gino igyai nok gima lene mibon nituti mem ide siceu nya irom ighyet kui nye bi.

KORINTUS GI NIGOM 7:2

Noro sisar nicut tut yamti kieng kep jide minu ndig dima. Gima rino gi kei mem bikwop tungwagom-gom wak nitnem lene gi kei mem bikwop sop nya cem iwak ijjep.

TIMOTIUS GI NIGOM 5:11

Noro tut sop kibom di pilei nya lene ma akwop inyeng kin kibom nindigsi nya au. Leu gino ibit leu ingut kanti ne ijoi sut gima iwak ijjep bat nya bu. Gima dem kep nok ikes Kristus ei ba,

KORINTUS GI NIGOM 7:28

Gino aug wak sop nok atnem ne sisar ntun him bi. Gino sop gwam nitta pilei ug wak nijjep ne sisar ntun him cem bi. Noro mun di bindei ba, jibou ngwak sibui cut igkep yo di iwak yam. Ba, dijoi sut gino dinyohou jeni leu mun dima.

KORINTUS GI NIGOM 7:39

Sop di wak nijjep nggre kin nijjep kikau bibou nijjep mai leu noni ug e. Tirigi nijjep mai leu lene sop dima nggre kin noni bu bi ba, gino bon nitutti ne wak pinai hiter hak ug lewo kwes mem noni. Noro suar no dima ne no di ningon jo kep Kristus tu.

KORINTUS GI NIGOM 7:36

Gino tungwagom kan bipia noni bon mun di igbit tut sop di noni yok wab kep tu dima bi ba, om kep ningonti kan bi ba, noni suar wak sop dima lene ma iwak yam hak ug. Sisar ntun niwak yamti him bi.

KISAH 19:36

Bit bon tungwatu nya isrep tut jiyai kepti dima kan bi. Gima rino ma joom jingon leu binhyepo jiba jingon ko-ko wai au.

TESALONIKA GI NIGOM 4:4

Suar bikwop pinai di ingat rin ei jikieti suar kan tut gi ba ningon di kwes di bindei ba, Allah kin tungwatu nya ijoi sut noni bibong bit nitnem.