KORINTUS GI NICAN 8:3 - ALLAH NIHYET MEM TUNGWATU NYA

³ Dikan mungkun tut bipia yoni ikwas munkwas dima bit leu isindemti lene igyai bidor tunggwei bu. Hi pingok ingonti tut bi,

KORINTUS GI NICAN 8:3 ပူးပေါင်းရင်းမြစ်များ

NIBOHON MBEN ISRAEL GI NIGOM 29:9

Limwa nya ikwas mun mikuisi tut tuhan lene hi bidip huk yok bi. Apino ingon nggei-hi-nggei lewo ikwas mun nyeng mang bibor tu. Nibou Ndig Daud cem ningon nggei-hi-nggei.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

NEHEI LEUSI 35:5

Jittei mun di jikwas tut Allah kwei. Tungwa tou rino ningon huk niti lene ttei mun di noni kwas. Nok mas kin perak kin ngkimom-tembaga,

MARKUS 14:8

Noni bibon mun dini biken tiri tug ndei nide mun di mati. Noni tin ampou tut mini mbris bikiber ei dibouti leu binhyepo bitin ei dingut dini nipou tirigi itig bigyo.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

ROMA 10:2

Disimbot dat bipia yoni iba ingon gom bibrim ingkek bikuk yok bak Allah noro ingon tunggwei sut nisinati di nijit mem gima ikuk yok bak Noni.

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

KORINTUS GI NIGOM 9:17

Leu gino dibindei mbut midyai dima tug hon dijoi sutti ne dem mem gima ditug ndei dimuhuba. Noro Allah nicuk dati bindei ba, ditri kep Nihyet Di kei lewo Noni ba ningon com da tut.

GALATIA 4:15

Nipou ne jingon llei bibor! Noro tini bu ne mindei nggon ndei je i? Dikan tut bipia mpe dima ne gino bon jiyai kan ne jitin ei mem jiket jiyai njep leu lene jibicim hanyen biluei diyai njep.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

KOLOSE 4:13

Dingat bou diyai him bipia Epafras brim ningkek tut jeni kin timiei minu ndig Laodikia kin Hierapolis nya cem.

TESALONIKA GI NIGOM 2:8

Nitin ei mem gima nitri tut Nihyet Di Kei di kwei leu Allah bije he bi noro ninggok nimai eisi mem je cem lewo ningon ngakei je nindig bibor ba, ningon kieti rijeni.

FILEMON 1:14

Noro midibidip huk na dor njiriek angon kanti bi bibou ace tut ug e. Dijoi sut ma na di andigpoi ayai igbit angon llei sutti lewo dicuk na tut bi.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.