KORINTUS GI NICAN 7:2 - ALLAH NIHYET MEM TUNGWATU NYA

² Ma jicigit nye ei jingonti. Lewo niyai mun tunggwei tungwa hi ba, nibiyai tungwa hi ningon ngkwei leu nide ningon jo kepti bi sren. Nibrim mun nyeng hi mem nyenti leu tungwa hi cem bi sren.

KORINTUS GI NICAN 7:2 ပူးပေါင်းရင်းမြစ်များ

KORINTUS GI NICAN 11:9

Tirigi dingat rin bit je ne disuar mun di bahati tut da noro ditindei kep jindati tut munkwas hi bi sren. Disut bat yo di ingon jo kep nya di ikwei leu hanjop Makedonia ipwoi mun di disuar nya hagom kwei bida. Ditindei kep jindati tut munkwas ei nimbie him dima bi lene nogindini ditindei jindati tut munkwas bi sren. Lene nok gima kikau.

KISAH 20:33

Dingon pri kep yo di hiter ide mitiei kin sinsun di inyeng tut nya bi sren.

YOHANES GI NICAN 1:10

Gima rino gino no di krau kep Kristus nipingok nyeti bi kwei cem kep je lene ma jicigit noni kui ig bijipigo noni au.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

MATIUS 10:40

“Bikwop no di ya um je ne gima dem kep nok noni ya um Da. No di ya um Da ne gima dem kep nok noni ya um No di cuk Da kwei.

MATIUS 10:14

Gino ig niceu bat nya kin timiei nya igya um je bintu kep jihyet bi lene ma jingkwei nyahan leu minu ttou nsi dima ba, jikit jimig jou tut ide dihyei ndung di dimbos hak ug.

MBEN ISRAEL IMBUT-MBUT NYEN 16:15

Lene Musa gga bibor bipai bak tuhan “tuhan e, ma arok yok tut mun di ikwas pijum ei tut Nani. Diyai mun tunggwei sut yok bi. Dimbrai mun nyeng gom bitut keledai ningut gom cem leu yok bi sren.”

FILEMON 1:17

Gima rino gino aba angon srip bram ba, dinok asut no di Kresten lene ma akau dimbou hanyen leu Onesimus ba, aya um noni dem kep nok aya um da.

FILEMON 1:12

Noni ne dingon kieti ri. Nogindini dipinak noni hanyen hwou ndam na.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

KOLOSE 4:10

Aristarkhus cem no sima ei ig bui nsi bit da ba, pigo je. Markus dino Barnabas nittom cem pigo je. (Gino Markus hwou ngat je lene ma jicigit noni kui jide ig lewo jiyai srat nicuk jeti di nipinak hwou di bitut noni tu.)

FILIPI 2:29

Ma jiba jingon di llei biya um noni noyam kin jikindig ei Kristusti. Ma jikon yo di igyai bram Epafroditus niyai kepti nya yahagom inyeng,

KORINTUS GI NICAN 11:16

Dipai mbigom kin bu bipia ma tungwa hi kan bipia dimbrap tereu nok no di nintin kiek au. Ne gino jibisrip huk bipia dintin kiek tu ne ma jisindui sut da bidiba dintin di kiek bibon nituti mem dingon jei lai-lai de.

KORINTUS GI NICAN 4:2

Niba nisinati di ntun nidinditi him di bindei biniba nimmai sut nyenti biyai kep midyai dini bi. Ningon mang ba, nikiek-kiek nyen Allah nihyet bi. Niba ningon di gom biyai kep Allah de midyai nya bit leu ningon kanti mem nye. Gima rino niba ningon com bipia tungwatu yahagom ibibon nye nok gi kei ei ingon mienti.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

LUKAS 10:8

Tirigi jicoi ug ei minu ndig gom ba, tungwatu nya igya um je lene ma jiyem njita di yoni ingei mem je nya.