KORINTUS GI NICAN 4:4 - ALLAH NIHYET MEM TUNGWATU NYA

⁴ Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 4:4 ပူးပေါင်းရင်းမြစ်များ

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

MATIUS 13:22

Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 12:31

Tto bou dem mem Allah pai kep tungwatu dihyeisi dini tu. Tto bou dem mem Allah com no di ninyeng tak kep tungwatu dihyeisi dini leu.

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

YOHANES 12:40

‘Ditak igyai ba, tu tu. Dikes ningon ndok serti ei yokti ser nhyema iba igyai bingat ba, ingon dor niti au. Diyai nok gima leu binhyepo ingkwei hanyen ndam Da bidibindei ba, ikei hanyen bi.’ ”

YOHANES 12:45

No di ngat Da ngat No di cuk Da kwei cem.

YOHANES 14:30

Dimbrap bit je kikau bi lewo tto bou mem no di ninyeng tak kep dihyeisi dini dideu su. Noro noni sindem mem gima om kep Da bi.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 16:11

Yoni ingon kiowi tut hukum di micut igkep yok lewo Allah pai kep no di ninyeng tak kep tungwatu dihyeisi hagom tu.

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 26:23

Ipai bipia Nibou Ndig di teu tungwatu biyai niyaijo nijep biyok di Allah preu ei mem yok pima miyai nimai leu api kiju hanyen leu nimai eisi bibie leu binhyepo Noni bon nikwesti mem mben Yahudi kin ngkiai nya igyai niteu leu sisarti kin niyaijo nijep ba, gini ne nipigati di piga digai yok ri.”

KORINTUS GI NIGOM 10:20

E bi! Mun di ibui bibam ei nimbar hum dokti bak ide kwar ne mun di ibikuk yok bak Allah rin bi noro mun di ibikuk yok bak ninnei rom nya. Lene dikou sut gi jinok gom kin ninnei rom nya.

KORINTUS GI NICAN 2:11

Diyai nok gima leu binhyepo bon nituti mem Bilis om kep nye bi. Lewo Bilis ningon kanti nya jo nibreisi mem nye.

KORINTUS GI NICAN 2:12

Tirigi duug krau minu ndig Troas biditin ei mem ditri tut Nihyet Di Kei tut Kristus lene dingat lo, Tuhan bon nikwesti mem diyai kep Nide midyai nya ei mpia dima.

KORINTUS GI NICAN 3:11

Gino mun di bit bon jo kikau kan bi dima bon nikei-kau-keisi lene jo nibreisi bipia mun di jo kikau buug hon nohonti bi bon nikei-kau-keisi di nindig bibor bidor njiriek bu.

KORINTUS GI NICAN 3:14

Yo dima ingkek ndok. Habiei kwei bipek ammani kep lene sinsun nghas dima bindei ba, mpe dino yo dima ikwop leu gi preu timiei nibokti lene ingkek ndok ser nihyet. Noro tirigi inok gom kin Kristus ne Allah Ninnei cug sinsun nghas dima leu yok.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

EFESUS 6:12

Lewo nyeni ikon pran bitindei ser tungwatu dihyeisi dini bi noro itindei ser ninnei di kinei di inyeng tak kep nijam di kinei dini yahagom ide nisindemti. Ikon pran bitindei ser ninnei rom di inyeng tak kep mpia-bbed him nya ide nisindemti.

FILIPI 2:6

Mbro nok gino ningat ne Noni kin Allah yahacem noyam lo, Noni krau kep Nide nikei-kau-keisi kin ninyeng di jei noyam kin Allah bi.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TIMOTIUS GI NIGOM 1:11

Ningginausi dima jo ei Nihyet Di Keiti. Nihyet Di Kei di leu Allah di kei-kau-kei ba, ma ikon ninyenga. Lewo Noni ba ningon com da tut Nihyet Di Kei di ditri tut cem.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 6:4

Lewo bit bon ibrim yo di ingkwei hanyen tu nya bibindei ba, ittin ser ide sisar hanyen kan bi. Nipou ne ikwei mbut ei Allah de nipigati cem igyem njita di Allah kwas tut yok cem igyai nisindemti leu Allah Ninnei noyam kin yo di hiter cem,

PETRUS GI NICAN 1:19

Gima rino niba ningon com nihyet di nabi nitimiei nya itri tut dor njiriek bu. Gi kei mem jikrau kep nihyet di itri tut dima di nok mini ninjeng di piga digai nidinditi kikau bibou njap tek ba, hambong ninjeng piga digai jingonti ug e.

YOHANES GI NIGOM 2:11

Noro no di ba nitok bak nisut no di Kresten ningat rin ei nidinditi. Noni mbut mem nidinditi leu api srawir lewo nidinditi bindei ba, niyai tu.

YOHANES GI NIGOM 2:8

Mbro nok gima lo, gini ne nicukti di nijep ri. Kristus niyaijoti kin jeni jiyaijoti hacem ndo brei binye bipia gini ne nicukti di nijit ri. Nidinditi sindi pren sindam ba, nipigati di ningat-ngat sindi com nimig bu.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.