KORINTUS GI NICAN 3:3 - ALLAH NIHYET MEM TUNGWATU NYA

³ Jo nibreisi mem yo dima bipia jinoyam kin srat nibuwakti di Kristus pas bipinak kwei tug hon nyeni. Noni ba buk ngei bipas kep srat bokti dima bi noro ba Allah Ninnei bipas kep. Noni pas kep srat bokti dima ei tig pasti bi noro pas kep ei tungwatu nya ingonti.

KORINTUS GI NICAN 3:3 ပူးပေါင်းရင်းမြစ်များ

YEHEZKIEL 11:19

Midiyai ningon di nijep kin nikan-kan nyenti di nijep biyok. Diyai ingon di ndok di dem kep tig leu yok lene diba ningon di bit dihyetti biluei bu.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

IBRANI 10:16

Allah pai, “Ei nidipti bu lene dibibon gi preu dini jug ei mem yok. Dindim Ditde niggai serti nya ei ingonti ba, midipas hagom ei ibou ngwakti cem.”

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

NEHEI LEUSI 31:18

Tirigi Allah kes nihyet hon bimbrap bit Musa ei Nungug Sinai bu bi lene noni kes tig mma can po pas kep Nide nicukti nya eisi pima ei Musa nindati.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

NEHEI LEUSI 24:12

Lene tuhan pai bak Musa “Ma akui kwei ei mbigdip dini lene midiyai tig mma can po dipas kep Ditde nicukti nya eisi pima bina. Diyai nicukti dini yok hagom bak mben Israel nok mun di bipingok ingonti.”

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

NIPINGOK NINGONTI 3:3

Suar ningon jo kep Allahti kin ningon gom tut Noni kin tungwatu nyati jo binghig ei angonti ba, ayok ngon kep kikau,

NIPINGOK NINGONTI 7:3

Ma ayok ngon kep ditde ningginau nati nya mungkun kei leu api apwoi hagom biker ei angon bei.

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

NEHEI LEUSI 34:1

Lene tuhan pai bak Musa “Ma abon tig mma di noyam kin tig mma timiei can pima ba, attei kwei. Lene midipas kep nicukti pima eisi noyam kin nicukti po jo ei tig mma timiei po abindei ki kukiau pima.

NINGAT-HI-NGAT NYA 3:22

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 2:18

“Apas srat dini bak malaikati di buhup tut mbusyamei ei minu ndig Tiatira. Nipas kepti dini kwei leu Allah Nipmot di niyai njeng-jau nok hum njeng ba, nimig mbom kei dem kep ngkimom-tembaga di indig kep hum di bindei ba, pimbai kei.

NINGAT-HI-NGAT NYA 2:8

“Apas srat dini bak malaikati di buhup tut mbusyamei ei minu ndig Smirna. Nipas kepti dini kwei leu No di nimbie him kin nohon keti ba, No di mai su kin No di kiju hanyen leu nimai eisi.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.

NINGAT-HI-NGAT NYA 2:12

“Apas srat dini bak malaikati di buhup tut mbusyamei ei minu ndig Pergamus. Nipas kepti dini kwei leu No di krau singau simeda di bon ninggwenti bei ninghim noho.

NINGAT-HI-NGAT NYA 2:1

“Apas srat dini bak malaikati di buhup tut mbusyamei ei minu ndig Efesus. Nipas kepti dini kwei leu No di krau ham ningat muhwindacan pima ei ninda com di biya srig mini njeng nidihim ningat muhwindacan di iba mas bibon ri.

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

YEREMIA 17:1

tuhan pai “Je di timiei Yehuda e, jikilis kep jide sisar ei jingonti kin jide nimbar hum dok nuhuisi nya dem kep nok no di ba buk nika di ba ngkimom nitu bibon bicim tig permata intan ei niyenti.

NINGAT-HI-NGAT NYA 3:1

“Apas srat dini bak malaikati di buhup tut mbusyamei ei minu ndig Sardis. Nipas kepti dini kwei leu No di nyeng tut Allah ninnei muhwindacan kin ham ningat muhwindacan. Dikan tut jiyai munti nya. Mbro nok gino tungwatu nya ipai sut je bipia jiyaijo yo lo, ningat ne jimai yo!

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

NEHEI LEUSI 32:15

Lene Musa ngkwei hanyen bijuk leu mbigdip bittei tig mma can di Allah pas kep Nide nicukti nya ei nite hi nite hi.

KORINTUS GI NIGOM 3:5

Tut gima ne tou rino Apolos i? Tou rino Paulus i? Nyeni ne Allah de awak nya ri. Jiba jingon com Noni tug hon nyeni. Niyai kep midyai nya di Tuhan ndo bibikwop nye.

KORINTUS GI NICAN 3:6

Noni sindem tut nye leu binhyepo ninok awak mem gi preu nijep. Gi preu nijep dima nitriti ne nicukti di tug hon srat bokti rin bi noro Allah Ninnei de midyai nya ri. Nicukti di tug hon srat bokti bie ug ei hukum nimai. Noro Allah Ninnei bie ug ei niyaijo nijepti.

KORINTUS GI NICAN 3:7

Allah yai gi preu di bie ug ei hukum nimai bipas kep ei tig pas dip biyai bak tungwatu nya lene Nide nikei-kau-keisi piga digai Musa niimaisi. Mbro nok gino Musa niimaisi di sieng-siau bitiei kei wer pimber hanyen nyahan lo, ninjeng dima piga sindem bibor bibindei ba, bit bon mben Israel itou kep Noni nggilun kan bi. Gino Allah nikei-kau-keisi piga gi preu di bie ug ei hukum nimai sieng-siau ne,