KORINTUS GI NICAN 2:3 - ALLAH NIHYET MEM TUNGWATU NYA

³ Gima rino dipas srat dima bije. Dingon kou sut gima dihwou ngat je mem nijam dima leu ma jibindei bidingon buhun lewo suar jeni rino jibiyai dingon llei bibor. Dikan tut bipia gino dingon llei bibor ne jeni cem jahagom jingon llei bibor bit da.

KORINTUS GI NICAN 2:3 ပူးပေါင်းရင်းမြစ်များ

GALATIA 5:10

Mbro nok gima lo, diba dingon com bipia jikrau tunggwei ningon kanti di nijit-jau bi lewo yahagom inok gom kin Kristus. Ba, dikan mungkun tut bipia no di kipon jeti mitug ndei hukum leu Allah.

KORINTUS GI NICAN 8:22

Gima rino nicuk isut gom kin bu bit Titus kin gi hi di nipai sut nipou su. Nimbus isut gom dini ningonti bidem tu ba, jo nibreisi bipia noni joi sut mpu nyen tungwatu nya. Nogindini noni ta nibou ei nimpu jeti dor njiriek lewo ba ningon com je nindig bibor.

FILEMON 1:21

Tirigi dipas kep srat dini lene dikan mungkun tut bipia mporo ayai mun bit leu dingon kanti lene mporo ayai hi kin bidor njiriek bu.

KORINTUS GI NICAN 7:12

Mbro nok gino dipas kep srat bije tu lo, dipas drek dip no di yai mun tunggwei kin gi hi di noni yai mun tunggwei sut dima bi. Noro diba srat dima bipai sut bijo nibreisi mem je bipia Allah kan tut jide ningon ngakei nye biborti.

TESALONIKA GI NICAN 3:4

Ide Tuhan bindei ba, niba ningon com je tut mun di nipingok je tut lewo no jiyai kep bijiyai kikau bu yo cem.

KORINTUS GI NICAN 12:21

Dikrau dingon tut gima dihwou ngat je lene Allah bindei bidimmai sut danti bou jiyai him bidiyai nggwei kibor drek dip imang di ibon kikep sisar lo, ittin ser sisar nikrar kep yamti kin nicut tut yamti kin niba noho rok mun di kinei di ingat ingwes eisi di ikiek ndam Allah bi nya.

KORINTUS GI NICAN 12:11

Diyai mun tereu nok no di nintin kiek noro ningat ne jeni rino jibindei da nok a. Ningat ne ma jeni rino jikon dinyenga. Mbro nok gino dibon dinyeng bi lo, dani ei bijehei leu jide nibou di mipbor ngat dima yok bi!

KORINTUS GI NICAN 7:8

Mbro nok gino srat di dipas bak je biyai jingon buhun lo, dinso danti tut bi. Gino dingat lo, srat dima biyai jingon di buhun mem nijam poi ne dingon wer nso danti tut.

KORINTUS GI NICAN 7:6

Noro dipai sigyo lewo Allah biwin kep yo di ingon cut nya ingonti. Noni ba Titus nikweisi bibiwin kep nyeni ningonti hanyen.

KORINTUS GI NICAN 1:15

Dingon ngkiem tut mun dini yok hagom. Gima rino ei nimbie him ne ditin ei mem dihwou ngat je leu binhyepo jiyai mun di kei mbican bram yam.

KORINTUS GI NIGOM 4:21

Gima rino ma jikos tut dem igbit leu gi hi di jingon llei sut. Diba dihyet singga bihwou ngginau jeni e, he diba dingon di nggriu kin dingon ngakei jeti bihwou ngginau jeni e?

KORINTUS GI NICAN 1:23

Dikos tutti nya hagom jo nibreisi bou Allah niyai him. Noni kan tut dingon kanti nya hagom bikan tut bipia dihwou ngat je ei minu ndig Korintus bi leu binhyepo dibiyai jingon di buhun bi.

KORINTUS GI NICAN 2:9

Dipas kep srat dima bije leu binhyepo dibingon je ba, dinggok tut gino jitin ei mem jibit ditde nipingok jeti nya kikau.

KORINTUS GI NICAN 7:16

Dingon llei bibor lewo ningat ne diba dingon com je tut mun nyeng hagom bibor.

KORINTUS GI NICAN 13:10

Tut gima rino dipas kep srat dini bije nipou tirigi dihwou ei jikieti bigyo leu binhyepo mpe di dihwou ngat je lene diba nisindemti di Tuhan yai bida bibui je bi. Lewo Tuhan yai nisindemti dima bida mem gima dibiwin kep jingonti noro mem gima dibinjei je ningwig bi.