KOLOSE 4:12 - ALLAH NIHYET MEM TUNGWATU NYA

¹² Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

KOLOSE 4:12 ပူးပေါင်းရင်းမြစ်များ

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

LUKAS 1:1

Srat dini mem Andigpoi Teofilus di ninyeng jei. Nipou pini jug ne tungwatu nya imang bibor ita ibou ei nipas kep sindam tut mun di pek kep ei nyeni nikieti tu.

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

ROMA 15:14

Disut bat jen, dikan tut mungkun bipia mun di kei nyeng mang bibor ntun jeni him ba, jingon ki lene ma jingginau yam igkei cem.

ROMA 15:30

Disut bat jen, ditigtai je leu binhyepo juhuk nadi bak Allah kikau mem da drek dip ide niba ningon com ide Tuhan Yesus Kristusti kin ide ningon ngakei yamti di Allah Ninnei yai binye cem.

KORINTUS GI NIGOM 14:20

Disut bat jen, ma jikan-kan nyenti noyam kin munggwom nya ikan-kan nyenti au. Tut mun di kinei nya lene ma joom je bijinok munggwom di ingon ngun nya. Noro tut jikan-kan nyenti nya lene ma jimahan nok andigpoi.

KORINTUS GI NIGOM 2:6

Mbro nok gima lo, dingginau yo di imahan ei Kristusti tut ningon di ki di nijit. Noro ningon di ki di nijit-jau dini kwei leu ningon di ki di ntun dihyeisi dini him kin nisindemti nya di inyeng tak kep dihyeisi mem nijam dini cem bi. Lewo nisindemti nya dima mipror yon.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

GALATIA 1:10

Apo diyok dingon mem gima tungwatu nya ingon kwes kin da tug hon mun di dipas dini e? E bi! Diyok dingon mem dingon kwes kin Allah. Dipwoi tungwatu nya ingon leu binhyepo ijoi sut da e? Gino dibon kikep nok gima ne dinok Kristus de awak bi.

GALATIA 4:19

Dimunggwom bat jen! Dinghim dut tut je noyam kin sop di ninghim dut tut munggwom. Dinghim dut tut je kikau bibou Kristus ningon mien paisi com nigau ei jingonti ug e.

KOLOSE 1:22

Noro tini bu ne Noni yai jingon di kwes kin Noni tug hon Nipmot nimai ei biei salibti. Tug hon nisinati dima ne Noni bindei ba, jiba jingon di kwes kin jingon di pimbai kin jingon di ngun biya ei Allah Noho bei.

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KOLOSE 1:7

Epafras di nyeni ningon kieti tri tut Allah nisingat tut jeti bije ba, noni ne Kristus de awak di ba ningon di gom biyai kep midyai di bon ninyeng mem jeni cem ri.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

KOLOSE 4:9

Tikhikus mehei sut isut Onesimus di ingon kieti ba, ningon gom. Noni nggre kin jide nimpung. Yo cin dini mipui sut mun nyeng hagom di pek kep mem nye ei mpia dini.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

FILEMON 1:23

Epafras di sima ei ig bui nsi bit da drek dip midyai di noni yai mem Kristus Yesus cem pigo na.

IBRANI 5:14

Noro yo di imahan tu igyem kep mikwau lewo ibingon ei dip nok gi dem ba, ingon ki tut mun di kei kin mun di kinei niter leu yamti.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

YAKOBUS 1:4

Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.