KOLOSE 4:1 - ALLAH NIHYET MEM TUNGWATU NYA

¹ Niceu bat jen! Ma jiba jingon sren bibon jide awak nya lene ma jibimangkrei yok au. Ma jiyok ngon kep bipia jijem jiceu bit Tuhan ei gwamti.

KOLOSE 4:1 ပူးပေါင်းရင်းမြစ်များ

NIBA NINGON SRIP HUKTI 5:8

Limwa nya ikwas ningat di ikos kui ig gudan tut yam bibon nibou ndig di ya srak ko hagau ide miai nya.

YESAYA 58:3

Ihig yam “Nggon rino nyeni igyem njita bi mem nituti poi gino tuhan tou kep nye bi i? Nggon rino iba ibou coi mem Noni gino Noni ngig niyai kep nye bi i?” tuhan buhup “Ningat ne tirigi jiyem njita bi mem nituti poi lene jibrim jingkek mem jide mun di bitut jenti bijico kep jide awak nya.

IMAM NYA IDE MIDYAI 19:13

Ma jiba ningon di kwes bibon nindigsi nya lene ma jipos ndiyok leu yok au. Nok gima cem ma jingon tak kep no di yai midyai mem je nimuhup mem mmun-njap gom cem au.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 20:4

Gima rino noni cuk yok ‘Jeni cem ma juug yai midyai ei ditde ba anggur nghousi leu api midiyai jimuhup di igbit bije.’

LUKAS 19:15

Noro timiei minu ting dima ita noni nok nibou ndig leu api ngkwei hanyen ei nitimieisi. Lene noni bipbur bihig nide awak nya di noni kwas mitiei tut yok dima kwei leu binhyepo hig pus yok tut mitiei di ibikum eisi bu.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”