KOLOSE 3:5 - ALLAH NIHYET MEM TUNGWATU NYA

⁵ Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

KOLOSE 3:5 ပူးပေါင်းရင်းမြစ်များ

NEHEI LEUSI 37:22

Gima rino noni ba mas di itug bidile ninggop gom bibon mini njeng nidihim dima bitut nimpung nya kin ninda nya hagom.

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

ROMA 1:26

Gima rino Noni sindui sut yok ei ba, ingon pri kep mun di bibon immai joti nya. Sop nya igyem njita tut pinai nya bit leu nok tungwatu nya igyai kepti bi noro sop yonti icut tut yam.

ROMA 1:29

Ingon mpung tut mun di kinei ninyeng hagom. Idrui bou ngwak cem ipigau hanjop cem ingon kinei sut yam cem ihwen yam cem ibui yam cem iris yam cem yeheu yam cem ittei mumpui ei yamti cem,

ROMA 6:13

Ma jikes jingut nimbumbati nya ei sisar nindati leu binhyepo sisar ba nimbumbati dima yok bibon mun di kinei au. Noro ma jikes jenti ei Allah nindati tereu nok yo di Noni kon yok hanyen leu imai eisi bigyai niyaijo nijep. Ma jikes jenti njem ei Allah nindati leu binhyepo Noni ba jingut bibon mun bit leu ningon kanti.

ROMA 6:6

Ikan tut bipia tirigi ipek Kristus kin biei salib ne ipek Noni bitut ide niyaijo nitimieisi cem ei biei salibti leu binhyepo Noni bindei cut ingut kanti di bon sisar leu nye. Tug hon nisinati dima ne sisar ubon nye bitak kep nye bu bi.

ROMA 7:23

Noro niggai serti hiter yai nibou tut dingonti ba, srep tut niggai serti di diba dibou ngwakti bice tut. Sisar niggai ser dati di yai nibou tut dingonti kat da ba, disima.

ROMA 7:5

Lewo nipou ne igyai munti nya bit leu tungwatu dihyeisi dini ingut kanti nya. Mpe dima lene Puig Yahudi niggai serti di yai nibou tut nye bindei ba, ingon pri kep sisar ba, inok awak mem igyai munti nya di bie ndam nimai.

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

KORINTUS GI NIGOM 6:18

Ma jimbres jenti leu sisar nicut tut yamti. Lewo sisar nindigsi nya di srou tungwatu nya ket ei inghuisi bi. Noro sisar nicut tut yamti ket ei inghuisi.

KORINTUS GI NICAN 12:21

Dikrau dingon tut gima dihwou ngat je lene Allah bindei bidimmai sut danti bou jiyai him bidiyai nggwei kibor drek dip imang di ibon kikep sisar lo, ittin ser sisar nikrar kep yamti kin nicut tut yamti kin niba noho rok mun di kinei di ingat ingwes eisi di ikiek ndam Allah bi nya.

GALATIA 5:24

Yo di ijem iceu bit Kristus Yesus igyai nimai bak ingut kanti kin ide ningon pri kepti di ntun dihyeisi dini him nya hagom.

EFESUS 4:19

Bit bon immai sut igyai kepti di kinei bibor nya kan bi. Noro ibit ingut kanti di kinei nya ba, iba yoho rok sisar di mpiei hagom. Bit bon yoom ingon tut gima kan bi.

KOLOSE 2:11

Jicoi bit midut sunat di nijit tug hon gi jinok gom kin Kristus lene sunat dima noyam kin midut sunat di tungwatu dihyeisi ibon bi. Sunat di ntun Kristus him bindei kwek je leu sisar de nisindemti di pijuk jingonti.

TESALONIKA GI NIGOM 4:3

Allah ningon kanti mem je rinok gini. Suar jingon kwes-kwau bijimbres jenti leu sisar nicut tut yamti.

TESALONIKA GI NIGOM 4:5

Lene ma ba niyai can noyam kin yo di ingon tindur di ikan tut Allah bi nya di ikrar kep yam bibong bit nitnem au.

TIMOTIUS GI NIGOM 6:10

Lewo niba noho rok mitieisi rinok nibousi mem sisar ninyeng hagom. Tungwatu nya ibou poi di iba yoho rok mitiei ikes hon ba, ingon jo kep bu bi lene ibimangkrei ingonti ba, israwir tu.

IBRANI 12:16

Ma jisok kep yam leu binhyepo jicut tut yam ba, jingkek ndok tut Allah Ninnei nipingok jeti noyam kin Esau au. Lewo noni kes ninyeng mot mighumbou ei bitri bak nikinjoi bipek njita den gom ngat he.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YAKOBUS 4:1

Ningon sibui sut yamti kin niliriem yamti di srig jikieti ntun mindei him i? Ningon di pri kep mun di ingat ingwes eisiti rinok nitriti mem mun dima yok.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.