KOLOSE 3:4 - ALLAH NIHYET MEM TUNGWATU NYA

⁴ Jide niyaijoti di mungkun nibousi rino Kristus. Tirigi Noni ttau hanyen kwei ne mijiya bibie bit Noni ei Nide nikei-kau-keisi.

KOLOSE 3:4 ပူးပေါင်းရင်းမြစ်များ

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 73:24

Aba apingok dati nya bibie tut da leu api mporo aba anggei sut dati buum da ei ningwigsi.

MATIUS 13:43

Noro yo di ingon sren nya injeng piga mpia dem kep mpia di com nimig kikau ei Icig Ninyeng Tak Kepti. Gino jitingou dile lene ma jiyok ngon kep dihyet!”

LUKAS 17:30

Nok gima cem mem njap dino Munggwom Tungwatu Nipmot nittau hanyenti.

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

ROMA 8:18

Diba dingon srip huk bipia bit bon ibinai sut inghuisi wei gom-gom di cut igkep nye ei dihyeisi dini kin nikei-kau-keisi di Allah bet ei mem nye dima iba nye kep kan bi.

ROMA 8:19

Allah nipai testi hagom ingon wis him nituti tirigi Noni ndo nimunggwom bat nya ei nibreisi.

KORINTUS GI NIGOM 1:7

leu api jiyok jingon mem ide Tuhan Yesus Kristus nittau hanyenti. Apino jitunggwei sut mun di kei nyeng gom di Noni njei bak jeni bi.

KORINTUS GI NIGOM 15:43

Itig nimai tut nitta cut kin ninghuisi wei lo, ningut kiju hanyen bibon ningut di ubbu ba, sindem cem.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

TESALONIKA GI NIGOM 4:17

Leu api Allah mibuwak nye di igyaijo nya ba, yuum yo di ikiju bibie nya ei bumbuhuiti lene yahagom mikui biyuum Tuhan ei mpia-bbed him ba, yahagom migwam bit Noni bijo ninno bijo kikau.

TIMOTIUS GI NIGOM 6:14

aba angon di gom bipwoi Allah nicukti nya ei angonti leu binhyepo bit bon hi pai na kinei kikau ug bipek ide Tuhan Yesus Kristus nikwei hanyenti kep kan bi.

2 TIMOTIUS GI NICAN 1:1

Srat dini leu da di Paulus. Dani ne no di ya kui Yesus bit leu Allah ningon kanti mem da ri. Noni pinak da leu binhyepo ditri tut niyaijo nijep di Noni preu ei mem nye tu. Igyai niyaijo nijep dima tug hon gi inok gom kin Kristus Yesus.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

YOHANES GI NIGOM 2:28

He dimunggwom bat jen, ma jiyaijo nok gom kin Kristus leu binhyepo tirigi ttou bou dem mem Noni ttau hanyen kwei lo, no sisip ibrim ingkek yo ba, immai sut nyenti ei Noho bei bi.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

YOHANES GI NIGOM 5:12

Ba, no di yai Nipmot ei ningonti yai niyaijo nijep tu. No di yai Allah Nipmot ei ningonti bi yai niyaijo nijep cem bi.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.