KOLOSE 3:20 - ALLAH NIHYET MEM TUNGWATU NYA

²⁰ Munggwom jen! Ma jibit jicig bat-jipmem bat nya ighyet noyam kin munggwom di ingon jo kep Tuhan lewo gini bindei ba, Allah joi sut je.

KOLOSE 3:20 ပူးပေါင်းရင်းမြစ်များ

NITRITI 28:7

Lene noni miap tut bipia Yakub bit nicig nipmem nya ighyet buug ei Mesopotamia tu.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NIPINGOK NINGONTI 20:20

Gino ahyet wer mpiahi tut acig bat-apmem bat nya ne ayaijo mingwig hon nohonti dem kep nok njeng mbrei di mu ba, piga digai nidinditi bu bi.

NIPINGOK NINGONTI 30:11

Tungwatu nya bihi ighyet wer mpiahi tut icig bat nya ba, ingkek ndok tut ipmem bat nya.

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

NIPINGOK NINGONTI 6:20

Dimunggwom na e, ma apwoi acig ningon lene ma abbwe ser apmem nipingok nati nya au.

YEREMIA 35:8

Nibit Yonadab de nicuk nyeti nya hagom tu. Tirigi niya-ya nyen ei dihyeisi dini ne niya tut nitnem bat nya kin nimunggwom bat nya ba, nidut ba anggur ngei bi.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

IMAM NYA IDE MIDYAI 19:3

Suar jeni bikwop tungwagom-gom kuk no bak nicig bat nipmem bat nya bibit ighyet. Suar jikes tut Njap Nigwam Kep Ninghuisi ei mem Da bit leu nok dicuk jeti tu. Dani ne tuhan bidinok jide Allah ri.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MATIUS 19:19

Ma akuk na ba, anyohou acig apmem nya ba, angon ngakei yo di hiter bit leu nok angon ngakei nanti.”

EFESUS 5:24

Gima rino ma sop nya iba ibou coi mem ijjep bat nya bit leu nok mbusyamei ba nibou coi mem Kristus.

NINDAT KEP TUHAN NICUKTI NYA 27:16

‘Ma tuhan sigion No di kon nicig kin nipmem inyeng bi bisindui sut yok ba, iwer nikinei-kinau.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 3:22

Awak jen! Ma jibit jiceu bat dihyeisi nya ighyet tut mun nyeng hagom. Ma jibibon yok nok gima tirigi igyai bong kep je leu binhyepo jibinggok tut gi ijoi sut je he au. Noro ma jiba jingon di gom bibit ighyet ba, jibikon Tuhan ninyeng.

TITUS 2:9

Ma awak di ingon jo kep nya ikuk yok bak iceu bat nya bipwoi ingon tut mun nyeng hagom. Lene ma itte tut yok ba,

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

SRAT RUT 3:5

Lene Rut buhup “Midiyai hagom bit leu nok acuk dati.”