KOLOSE 3:16 - ALLAH NIHYET MEM TUNGWATU NYA

¹⁶ Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

KOLOSE 3:16 ပူးပေါင်းရင်းမြစ်များ

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOHON MBEN ISRAEL GI NIGOM 25:7

Ipmot bat nya ibou nyatungwagom ba, bitai dima igya kin ide bat nya yahagom biba musik bipai doia igkei lewo ibiyai hamem ba, ikek mungkun kei. Ba, gino ikwop yo dima yahagom sok yam lene imangti ibou sratus can ningot muhwindaningai ba, muhwindaningai.

NEHEMIA 12:46

Habiei leu nijam Nibou Ndig Daud kin Asaf di ningon ki tut doia ne yo di ipai kep doia iba doia dima bikon Allah ninyeng ba, ibipai sigyo bak Noni cem kikau kwei bipek ammani kep.

AYUB 23:12

Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:54

Diba doia bikiek Ade nimbrap tutti nya mem ditde njap di jei bi ei dihyeisi dini.

MAZMUR 138:1

Daud ngat nadi. tuhan e, midiba dingon titut bipai sigyo biNa. Dipai doia ba, dibikon anyeng ei Ade awak di apai tes nya ei gwamti yoho bei.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 32:7

Na di tuhan anok hak mihyeti di diku da nyahan eisi lewo akwek da leu mun di buhun tak da. Diba dingon llei bibor bipai doia lewo ateu da bidingwes ngun tu.

MAZMUR 71:23

Diba dingon di llei bibor bimbos-hi-mbos bidibipai doia nibikon anyeng. Diba dingut kin dinnei bipai doia bidingon llei lewo ateu da bidingwes ngun tu.

NIPINGOK NINGONTI 14:8

No di ningon ki ningon dorti tut nisinati mem gima yai kep niyai munti nya noro no di ningon mbum ne nide ningon mbumti ris mun ei nonti dip.

NIPINGOK NINGONTI 18:1

No di mbres nonti leu yo di hiter ne no di hek tut nonti ningon kanti nya he rin ba, ningwes om kep nindigsi nya ingon kanti nya.

DIUN MIMUN 1:1

Diun di Salomo pas di brim ingon dor njiriek diun nindigsi nya.

YESAYA 10:2

Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.

YESAYA 26:1

Mpe dima kwei ne timiei Yehuda nya di ingat rin mipai doia dini. “Mei, ide minu ndig dini sindem bibor! Allah Nonti rino win tentara nibousi di igyai coi nya ba, ingwes ngun eisi.

YESAYA 30:29

Noro Ditde limwa jen e, jingon minggei-hi-nggei ba, jipai doia cem noyam kin mmun midut di jibon mem jibikuk je bak Noni. Mporo jiyai nillei noyam kin yo di iba porei di imiep nya biyai nillei bimbut ndam tuhan di ya srak ko hagau mben Israel De Ig.

YESAYA 5:1

Ma jimiap kep dihyet lewo diba doia bikiek disut gom bitut nide miai ba anggur nghousi. Disut dima ninyeng tak kep miai ba anggur nghousi ei nungug tou di nnum bibor kei gom.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

MATIUS 26:30

Lene yo dima ipai doia nibinggei sut Allahti leu api imbut biyuug ei Nungug Zaitun.

LUKAS 2:51

Leu api Yesus bit yok bingkwei hanyen ug ei minu ndig Nazaret lene kuk No mem ighyet. Maria pwoi mun di pek kep mem yok dima hagom ei ningonti.

YOHANES 15:7

Gino jinok gom kin Da ba, dihyet jo ei jeniti lene ma jahara Da tut mun nyeng hagom bit leu jingon kanti leu api dibirop hanyen bije.

ROMA 10:17

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

ROMA 15:14

Disut bat jen, dikan tut mungkun bipia mun di kei nyeng mang bibor ntun jeni him ba, jingon ki lene ma jingginau yam igkei cem.

KORINTUS GI NIGOM 14:15

Gima rino dibon mindei i? Dibon nok gini. Diba dinnei he bingat nadi bi noro diba dibou ngwakti cem bingat nadi. Diba dinnei he bipai doia bi noro diba dibou ngwakti cem bipai doia.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

EFESUS 5:17

Gima rino ma jingkek ndok au. Noro ma jinggok tut Allah ningon kanti mem je.

EFESUS 5:19

Ma jiba srat mazmur kin doia nya bisimbot kep tut jihyet biyam. Ma jiba jingon di llei bibor bikon doia kin mazmur ba, jibinggei sut Tuhan.

EFESUS 5:26

Noni kes niyaisi ei leu binhyepo ba Nihyet Di Kei kin ningginausi bibindei pwoi mbusyamei tug hon nitur yok ei minyeiti leu binhyepo bikes mbusyamei dima bak Allah,

KOLOSE 1:28

Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

KOLOSE 4:6

Ma jiba nihyet di nggriu-nggrop di brim yo di imiap jihyet ingonti bitri nihyet. Ma jitindei ser yo di ihig-hig nyen ser je tut ingon kiowiti leu binhyepo jibuhup igbit biyok.

TESALONIKA GI NIGOM 1:8

Lewo Nihyet Di Kei tut Tuhan bon nibousi ei jikieti leu api tibim kikau ug ei hanjop Makedonia kin Akhaya. Lene tut gima he bi lewo jinghapti tibim tut jide niba ningon com Yesus Kristusti bidem minu apino nisuar nitri tut gima bak tungwatu nya bi.

TESALONIKA GI NIGOM 4:18

Gima rino ma jiba ningginausi dini biwin kep yam ngonti.

TESALONIKA GI NICAN 3:15

Ma jiba nitok binoni au. Noro jisok kep noni dem kep nok jisok kep jide adig-ajoi.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

2 TIMOTIUS GI NICAN 3:15

Ma ayok ngon kep bipia tirigi amien kikau kwei bipek ammani kep ne akrau kep Allah nihyet. Ba, nihyet dima sindem mem gima biyai angon di dorti leu binhyepo ayai niteu leu sisarti kin niyaijo nijep tug hon ade niba ningon com Kristus Yesusti.

TITUS 3:6

Allah pinak Nonti Ninnei ei ingonti tug hon Nibou Ndig Yesus Kristus di teu nye leu sisar biyai niyaijo nijep binye.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YAKOBUS 5:13

Gino jigom ningon buhun lene ma noni ngat nadi. Gino jigom ningon llei lene ma noni pai doia binggei sut Allah.

YOHANES GI NIGOM 2:14

Dimunggwom bat jen, dipas kep srat dini bije lewo jingon dorti tut Icig Allah mungkun. Je di andigpoi di jibon jimunggwom bat nya e, dipas kep srat dini bije lewo jingon dorti tut No di ningat rin habiei ei nimbie him kikau kwei bipek ammani kep mungkun tu. Pinjoi pilei jen, dipas kep srat dini bije lewo jisindem cem jipwoi Allah nihyet ei jingonti cem jibindei cut No Di Sibut cem tu.

YOHANES GI NIGOM 2:24

Gima rino ma jinyohou nihyet di jimiap habiei tirigi sindi jingon jo kep Yesus ei jingonti. Gino jinyohou nihyet dima ei jingonti ne jiyaijo nok gom kin Nipmot kin Nicig yahacem kikau.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

YOHANES GI NICAN 1:2

lewo nihyet di nijit ningat rin ei ingonti nogindini ba, kikau ug hon nohonti bi cem.

NINGAT-HI-NGAT NYA 14:3

Tungwatu nya ibou sribu sratus gom ningot bitai ba, bitai pima igya ei banggo mbrei nuhui kin mindhe ningut bitai pima yoho bei kin nibou nya yoho bei bipai doia di nijep-jau di bit bon hiter ingon dorti tut kan bi. Noro yongkom he ingon dorti tut lewo igyai niteu leu dihyeisi tu.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.