KOLOSE 3:15 - ALLAH NIHYET MEM TUNGWATU NYA

¹⁵ Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.

KOLOSE 3:15 ပူးပေါင်းရင်းမြစ်များ

MAZMUR 100:4

Ma jipai sigyo nindig bibor tirigi jicoi kak dimbou pmem ug ei Nide Ig. Jinggei sut Noni mpe dino jicoi ug ei Nide Ig Him. Jipai sigyo nindig bibor bijinggei sut Noni!

MAZMUR 107:22

Suar iba midut nibipai sigyo bikuk yok bak Noni bitri tut niyai munti nya hagom tug hon doia di iba ningon llei bibor bipai.

MAZMUR 116:17

Midibon midut nipai sigyo ba, dingat nadi bak Nani cem.

MAZMUR 29:11

Dijoi sut gima tuhan sindem tut Nide limwa nya bibindei ba, ibong kei igwam kei cem.

YESAYA 26:3

tuhan e, ayai ningon kwes kin yamti bak yo di ingon nddong lewo iba ingon com Nani.

YESAYA 27:5

Noro gino Ditde limwa nya ide siceu nya inggok tut gima igwam coi Da lene suar ibakei Dati ser. Igbit ri! Suar ibakei Dati.”

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YUNUS 2:9

Noro midipai doia ba, dibinggei sut Na bidibui mindhe tut ninggrom ei Aho bei bidiyai igbit mun di dipreu ei mem Na hagom cem. Nani ne tuhan di teu tungwatu nya leu mun di buhun tak yok ri!”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

ROMA 1:21

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

KORINTUS GI NIGOM 10:17

Mbro nok gino nyeni imang bibor lo, inok ningut gom ngat tug hon roti nindak gom ngat di iki tut yam dima.

KORINTUS GI NIGOM 7:15

Noro gino gi hi di ningon jo kep bi kos tut bipia didei nijjep-nitnem di Kresten tu ne dem. Nicukti hi ngot kep gi hi di Kresten bigyo dima bi. Ma jingon kwes kin yam lewo gini ne Allah ningon kanti mem je ri.

KORINTUS GI NICAN 4:15

Mun dini yok hagom bindei ba, mun di kei pek kep mem je. Leu gino Allah nisingat tut tungwatu nyati kieng kep dihyei nisurti-nipekti sindam ne tungwatu mipai sigyo bak Noni. Tug hon nisinati dima ne ikon Allah ninyeng sindam.

KORINTUS GI NICAN 9:11

Allah mibindei ba, jinyeng tut mun di jisuar nya leu binhyepo jiba jide ningondut yamti bikwas munkwas tut tungwatu nya bikwop njap ngwa hagom. Lene tungwatu nya imang bibor mipai sigyo bak Allah drek dip mun di jikwas tut yok tug hon nyeni.

EFESUS 4:16

Kristus nipingokti bindei ba, nimbumbati di ter leu yam hagom bicim tindei yam ba, nituti nya gom-gom bikrau yam nok gom. Gima rino gino bikwop nimbumbati yai igbit niyai kepti lene ningut titut mahan bikum ei nisindemti tug hon ningon ngakei yamti.

EFESUS 4:4

Ibicom yam nok ningut gom ngat he. Allah Ninnei cem gom ngat he. Ba, Allah dimig je ei leu binhyepo jiyok jingon mem mun nyeng gom ngat he.

EFESUS 5:1

Jeni ne Allah nimunggwom bat di ningon him ngi-ngat nya ri. Gima rino ma jibrim jingkek ba, jiyai bram Allah niyai kepti.

EFESUS 5:20

Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.

KOLOSE 1:12

bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.

KOLOSE 2:7

Ma jicom jigau kikau ug ei Noniti. Ma jingot jide niyaijo tereu nok jingot ig ei Kristus di nok nikiou di nddong keiti. Ma jikum ei jide niba ningon com Kristusti bit leu nok jide nibou ngginau je tut tu. Ma jinggok biken tirigi jipai sigyo.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

TESALONIKA GI NIGOM 5:18

Ma jijem sigyo bak Allah tut mun nyeng hagom di pek kep mem je. Ba, gima yok hagom lene Allah ningon kanti mem je di jinok gom kin Kristus Yesus ri.

TIMOTIUS GI NIGOM 2:1

Nimbie him lene ditigtai na leu binhyepo yo di mbusyamei nya ingat nadi mem tungwatu nya yahagom ba, ijem sigyo cem bak Allah.

TIMOTIUS GI NIGOM 6:12

Suar ador sindem bibor kak puig tug hon ade niba ningon com Kristusti kikau ug bipek nipekti leu binhyepo ayai niyaijo nijep di jo kikau. Lewo Allah hig na mem gima ador sindem kak puig dima nipou tirigi atri tut ei yo di imang bibor yoho bei bipia angon jo kep Kristus.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

NINGAT-HI-NGAT NYA 7:12

bipai “Igbit ri! Jikwei ba, inggei sut ide Allah lewo ninyeng jei ba, ningon ki cem. Ma ipai sigyo bikuk nye bak Noni lewo Nongkom sindem bibor kikau buug hon nohonti bi! Igbit ri.”