KOLOSE 3:12 - ALLAH NIHYET MEM TUNGWATU NYA

¹² Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

KOLOSE 3:12 ပူးပေါင်းရင်းမြစ်များ

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 45:4

Mbro nok gino akan tut Da haigtu bi lo, dihig anyeng ba, dikon na nok nibou ndig. Dicuk na leu binhyepo ahati tut Ditde awak di mben Israel di didimig yok ei ba, inok Ditde limwa nya.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YESAYA 65:22

Yo di hiter miba yokep ig kin ba anggur ngat dima bi. Lewo Ditde limwa nya ide njap ug ei ari bingwam mang bibor dem kep nok bimem di niyati nddong apino yoni mingat ingwes ei ide midyai di ngat ningatti.

YESAYA 65:9

Midinjei mun di kei bak mben Israel di intun keret Yehuda him ba, ide nintun him yamti di bram yam nya igyai Ditde dihyei di bon nungug him nya nok ide dihyei ninda rom. Yo di didimig yok ei su nya miyoom yonti binok awak mem Da bibong ei mpia dima.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 31:3

dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

MATIUS 24:22

Gino Allah mikos nijam dima nijeisi leu bi lene bit bon tungwatu nya bihi ingwes ngun kan bi. Noro Noni mikos nijam dima nijeisi leu mem Nide limwa nya.

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MARKUS 13:20

Gino Allah kos nijam dima nijeisi leu bi lene bit bon bihi ingwes ngun kan bi. Noro Noni mikos nijam dima nijeisi leu mem Nide limwa nya.

MARKUS 13:22

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mikiju leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MARKUS 13:27

Leu api Noni micuk Nide malaikati nya biyuug ei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

LUKAS 1:78

Ide Tuhan ningon nggriu ba, Ningondut Kep Nye Cig di tau kwei noyam kin mpia nipriti mem njap bigyoti biteu nye leu sisar biyai niyaijo nijep binye.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 9:11

Nipou tirigi Ribka srek tut nipmot bat cin di munggwom nggre dima bigyo lene Allah ndo igbit nikos tutti mem nidipti bu bak noni. Nikos tutti dima ntun yo cin dima igyai munti nya him bi noro ntun Allah Nonti nidimig igomti leu munggwom nggre cin dima. Lewo nipou tirigi Ribka nipmot bat cin di munggwom nggre dima ibon mun di kei e, he mun di kinei e, bigyo

KORINTUS GI NIGOM 13:4

No di ningon ngakei hiter ningon jo nyahan ba, ningon nggriu cem. Bou dut bi, ningon jei bi, ningon llei-llau sut nonti bi,

KORINTUS GI NICAN 6:6

Nindo nyenti nok Allah de awak di kei nya tug hon ningon gom kin ningon ki kin ningon di jo nyahan kin nisingat tut tungwatu nyati hagom ba, tug hon nisindemti leu Allah Ninnei kin niba ningon di gom bingon ngakei tungwatu nya.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

EFESUS 4:24

Ma jiba jide niyaijo nijepti di Allah pai tes di dat Noniti nimbai dima bijuk je nok sinsun. Leu api jingon gom tut Allah kin jide ningon sren kin jingon kwes kin Allah hagom mintun jingon mien paisi him.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

FILIPI 1:8

Allah ngat bou niyai him bipia dipai mingat bije mpe dino dipai bipia dingon ya mem je tug hon ningon ngakeisi di ntun Kristus Yesus Nonti ningon ngakei jeti him.

KOLOSE 3:10

Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

TESALONIKA GI NIGOM 5:15

Ma hi ba nimbuk birop hanyen bak no di yai mun tunggwei sut noni au. Noro ma jita jibou ei gi jiba jingon di kwes birop hanyen biyam ba, birop hanyen bak tungwatu nya yahagom cem.

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

PETRUS GI NICAN 1:10

Disut bat jen, ma jibrim jingkek leu binhyepo Allah nihig jeti kin nidimig jeti micom nigau ei jingonti binghig-niker. Gino jiyai nok gima lene jisrawir bi.

YOHANES GI NIGOM 4:19

Ingon ngakei yam lewo Allah ningon ngakei nye bibie.

YOHANES GI NICAN 1:13

Asut sop gom di Allah dimig ei su nimunggwom bat nya cem ipigo na di Sindigya.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”