KOLOSE 3:11 - ALLAH NIHYET MEM TUNGWATU NYA

¹¹ Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

KOLOSE 3:11 ပူးပေါင်းရင်းမြစ်များ

MAZMUR 117:2

Lewo tuhan ningon ngakei nye nindig bibor. Ningon di gom tut nye jo ninghig-niker. Ma jinggei sut tuhan!

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEHEZKIEL 47:22

dihyei dima nok jide dihyei ninda rom bijo ninno bijo kikau. Ma ngkiai nya di ibong timiei bigyai imunggwom bat nya srig jikieti cem igyai hanjop nsi hi ei jide dihyei ninda rom nok ide dihyei ninda rom. Ma jibibon yok nok limwa ningat-ngat nya nya noyam kin je di mben Israel cem. Yoni mibit niko-nibinggok tutti bitug ndei ide hanjop nsi ei mpe di jikwas dihyei tut yam.

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

AMOS 9:12

Mben Israel inyeng mitak kep minu Edom nikenti lene inyeng bitak kep minu di nipou yo dinyeng tak kep tug hon Ditde nisindemti hagom. tuhan di bindei ba, mun dini yok hagom pek kep mem yok simbot dat tu.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

KISAH 15:17

leu binhyepo tungwatu nindigsi bitut ngkiai nya di dinyeng tak kep yok inggok ser Tuhan ba, yahagom iba ingon com Noni.’ Gima ne Tuhan nihyet rin,

KISAH 28:2

Yo dima ingondut nye nindig bibor. Igya um nye ba, isingat tut nye cem. Indig hum bindei nye lewo mpia but ba, nidigok.

KISAH 28:4

Tirigi timiei mios dima yok ingat wou di ndun Paulus ninda him lene ipai biyam “No dima ne nihwen mun cig ri. Mbro nok gino ningwes ngun leu muk mpoti lo, Birop Hanyen Cig hatap noni lene sindui sut niyaisi jo bu bi.”

ROMA 1:14

Lewo dibon ningwam bak tungwatu nya yahagom. Bak yo di isingat nya kin yo di isingat bi nya cem. Bak yo di ingon ki nya kin yo di ingon tindur nya cem yahagom.

ROMA 10:12

Nipaisi dima dem mem tungwatu yahagom lewo mben Yahudi kin ngkiai nya ter leu yam bi. Allah gom ngat dima ne Tuhan mem yahagom rin binjei mun di kei ninyeng mang bibor bak yo di yahara Noni.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 3:29

He ma Allah ne Allah mem mben Yahudi yongkom he rin e? Noni ne Allah mem ngkiai nya cem rin bi e? I, Noni ne Allah mem ngkiai nya cem.

KORINTUS GI NIGOM 12:13

Nok gima tut nyeni yahagom cem. Mben Yahudi kin ngkiai nya ba, awak nya kin yo di igyai inyeng nya cem yahagom igyai nitur nye ei minyeiti di bindei ba, ibicim tindei Kristus tug hon Allah Ninnei gom dima. Allah bindei ba, Allah Ninnei gom dima coi kwei ei nyeni yahagom ingonti tu.

KORINTUS GI NIGOM 14:11

Noro gino dimiap nihyet di tibim leu tungwagom nuhui him bi lene no dima ne ngkiai rin ba, noni kan bipia dani cem ngkiai.

KORINTUS GI NIGOM 7:19

Nicoi bit midut sunat kin nicoi bit bi hacem bon ninyeng bi. Noro mun di bon ninyeng rino ibit Allah nicukti nya.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 1:23

Mbusyamei dima tereu nok Kristus ningut. Noni bindei ningut dima bikei-kau-kei ba, mun nyeng hagom ei tirima-tirima cem kei-kau-kei tug hon Noni.

EFESUS 2:14

Lewo Kristus Nonti bakei nyeti tirigi Noni bindei ba, mben Yahudi kin ngkiai nya inok gom. Kristus ba nimai ei biei salibti binggek tut ngug tig di bikwas yok leu yam di bindei di iba nitok biyam.

EFESUS 2:15

Noni ciu ser Puig Yahudi niggai serti nya bitut nidimig sutti nya kin nikos tutti nya leu binhyepo ba mben Yahudi kin ngkiai nya bicom yam nok Nide limwa di nijep bu di inok gom kin Noni. Tug hon nisinati dima ne Noni bakei yokti.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

EFESUS 6:8

Ma jiyok ngon kep bipia awak nya kin yo di igyati kwes nya yahagom mitug ndei imuhup leu Tuhan drek dip ide midyai di kei bibor nya.

KOLOSE 2:10

Allah yai niyaijo nijep titut bije tug hon gi jinok gom kin Kristus. Noni ninyeng jei bibor ba, ninyeng tak kep ninnei di isindem bibor nya kin ninnei di inyeng tak kep hagom.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.