KOLOSE 3:10 - ALLAH NIHYET MEM TUNGWATU NYA

¹⁰ Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

KOLOSE 3:10 ပူးပေါင်းရင်းမြစ်များ

NITRITI 5:1

Yo di intun Adam him inyeng rinok gini. [Tirigi po Allah pai tes tungwatu pima lene yoni noyam kin Noni ba, idat Noniti cem ba, itta noyam kin Noni nitta.

AYUB 29:14

Diba ningon sren keisi bibon mun tut tungwatu nya ba, mun di kinei hi rap da bi. Diba dingon gom bimbus bikwop munhyet hagom kikau.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

YEHEZKIEL 11:19

Midiyai ningon di nijep kin nikan-kan nyenti di nijep biyok. Diyai ingon di ndok di dem kep tig leu yok lene diba ningon di bit dihyetti biluei bu.

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

YEHEZKIEL 36:26

Midiyai ningon di nijep kin nibou ngwakti di nijep bije. Midiba ningon di bit dihyet biluei ningon di tindak di noyam kin tigya.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

ROMA 13:12

Jei bi ne mmun pren leu nye rin ba, son dideu njap tekti tu. Ma ikes hon ba, igyai kep mun di kinei di ntun nidinditi him bu au. Noro ma ikrau kep minggwen di ikrau ei nipigati.

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 6:4

Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:16

Gima rino ingon cut leu bi sren. Mbro nok gino ingut nggek sindam bikwop njap lo, ingonti di bitut innei kum ei nide nisindemti sindam bu bikwop njap.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

GALATIA 3:27

Ba, jahagom jiyai dimigyam tug hon Kristus ninyeng leu api jiba jekep Yesus ningon mien paisi ei jingonti.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

EFESUS 2:15

Noni ciu ser Puig Yahudi niggai serti nya bitut nidimig sutti nya kin nikos tutti nya leu binhyepo ba mben Yahudi kin ngkiai nya bicom yam nok Nide limwa di nijep bu di inok gom kin Noni. Tug hon nisinati dima ne Noni bakei yokti.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

KOLOSE 3:14

Mun di bon ninyeng rino suar jingon ngakei yam lewo ningon ngakei yamti dima rino ngot jahagom kin yam leu binhyepo jibicim tindei yam nok gom.

FILEMON 1:6

Dingat nadi leu binhyepo ide nitig mbier tut yamti di tug hon ide ningon jo kepti biyai ingon di dorti bibor tut mun di kei nya di igyai tug hon ide ninok gom kin Kristusti hagom.

IBRANI 6:6

Igyai gima yok hagom tu noro ingkwei hanyen bihigom! Bit bon ibrim yo dima leu binhyepo ittin ser ide sisar bikiek ndam Allah hanyen kan bi. Lewo ipek Allah Nipmot hanyen kin biei salib ba, ibicig Noni brei bou tungwatu nya igyai him.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.

YOHANES GI NIGOM 2:5

Noro no di yai igbit Allah nicuk noti nya ningon ngakei Allah mungkun tu. Gima bindo bipia igyaijo nok gom kin Allah.

NINGAT-HI-NGAT NYA 21:5

Lene No di gwam banggo mbrei dip pai “Nogindini dipai tes mun di hagom nok nijep-jau bu!” Lene noni cuk da bipai “Apas kep mun dini yok lewo nihyet dini igbit ba, suar ma tungwatu nya ingon jo kep hagom.”