KOLOSE 3:1 - ALLAH NIHYET MEM TUNGWATU NYA

¹ Allah win je ba, jiyai niyaijo hanyen noyam kin Kristus tu. Gima rino ma jikan-kan nyenti bisau sut mun di jo ei gwamti. Kristus gwam kui Allah ninda com ei mpia dima.

KOLOSE 3:1 ပူးပေါင်းရင်းမြစ်များ

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

NIPINGOK NINGONTI 15:24

Yo di ingon ki nya ico kak puig di kui ndam niyaijo ba, imbres yo leu puig di juk ndam minu nimai nya ide.

NIBA NINGON SRIP HUKTI 10:2

No di ningon ki ba ningon di dorti bibon mun lene gima ngan-ngan tu. No di ningon mbum bon mun di kinei.

MATIUS 22:44

‘Tuhan pai bak ditde Tuhan, ma agwam kui dinda com bibou doom Ade siceu nya ei amig him ug e.’

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

MATIUS 6:20

Noro ma jimbus ndigban kin mitiei keyam mem jenti ei gwamti lewo bit bon awam kkin bi lene prap yem ba, yo di imbrai nya inggek dimbou binggimang cem ei gwamti kan bi.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

MARKUS 12:36

Lewo Daud pai tug hon Ninnei Gi Kwes di bie tut noni, ‘Allah pai bak ditde Tuhan bipia ma agwam kui dinda com bibou doom Ade siceu nya ei amig him ug e.’

MARKUS 14:62

Yesus ce “Bit leu nok jipaisi dima. Mijingat Munggwom Tungwatu Nipmot di gwam kui Allah Di Sindem Bibor ninda com tirigi Noni kwei ei bumbuhuiti leu mpia-bbed him kwei ri!”

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 20:42

Bit leu nok Srat Mazmur nipas kepti ne Daud nonti pai, ‘Allah pai bak ditde Tuhan bipia agwam kui dinda com,

LUKAS 22:69

Hon kep ammani kui ne Munggwom Tungwatu Nipmot gwam kui Allah Di Sindem Bibor ninda com.”

KISAH 2:34

Daud kui ug ei gwamti dem kep nok Yesus nikui hanyenti bi. Noro noni pai ‘Allah pai bak ditde Tuhan,

KISAH 7:55

Noro Stefanus yai nisindemti leu Allah Ninnei bitou kep ginyo kug ndam gwamti bingat Allah nikei-kau-keisi kin Yesus di ya kui Allah ninda com.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

ROMA 8:6

Gino ningut kanti di ntun dihyeisi dini him pingok kep jibou ngwakti ne nimai ntun him. Gino Allah Ninnei ningon kanti pingok kep jibou ngwakti ne niyaijo nijep kin ningon di jo nyahan ntun him.

KORINTUS GI NICAN 4:18

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

EFESUS 4:10

No di juk kwei dima noyam kin No di kui binjiriek mpia di jo anai bibor ei mpia-bbed him leu binhyepo ningat rin bidem ei Allah nipai testi hagom.

EFESUS 5:22

Je di sop nya e, ma jiba jibou coi mem jijjep bat nya bit leu nok jiba jibou coi mem Tuhan.

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

KOLOSE 3:2

Ma jiba jingon binai sut mun di ntun gwamti him lene ma jiba jingon binai sut mun di ntun dihyeisi dini him au.

IBRANI 1:13

Allah pai bak Nide malaikati hi “Akwei gwam kui dinda com bibou doom ade siceu nya ba, inok bilen mem amig ug e” bi sren.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 10:12

Noro Kristus bon midut nikes Nonti ningut ei mem sisar mbigom ngat he lene bijo kikau ba, Nide midyai dima sindem kikau buug hon nohonti bi leu api Noni gwam kui Allah ninda com.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.