KOLOSE 2:8 - ALLAH NIHYET MEM TUNGWATU NYA

⁸ Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

KOLOSE 2:8 ပူးပေါင်းရင်းမြစ်များ

DIUN MIMUN 2:15

Ma jikat mindhe rubah mien nya di itin ei mem ibindei kinei ditde miai ba anggur nghousi. Lewo miai ba anggur kioi sindi digek yo.”

YEREMIA 29:8

Da di tuhan Di Disindem Bibor di Allah Israel disok kep je ba, jiyok ngon kep. Ma jisindui sut nabi di ibong srig jikieti ba, iris mun bije au. Nok gima cem tut nindigsi nya bu di ipai bije bipia bon itri tut mun di mipek kep mem je ei nidipti bu kan nya ighyet cem au. Ma jingig jitingou mem ide mumpriem nya di imbot kep tut bije cem au.

MATIUS 10:17

Ma jingon sok kep jenti tut yo di ikat je ug ei Nikei Puig Yahudi nya yoho bei leu api imbas je ei mben Yahudi ide ig mbusyamei nya.

MATIUS 16:6

Gima rino Yesus pai biyok “Ma jingon sok kep jenti tut roti ninjep di Farisi nya kin Saduki nya ide.”

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 17:32

Tirigi yo dima imiap Paulus tri tut tungwagom di kiju hanyen leu nimai eisi tu lene ibou poi ipa ndip noni lo, hiter ipai binoni “Ningon ya mem nituti tirigi akwei tri tut nihyet dini hanyen binye.”

ROMA 16:17

Disut bat jen, ditigtai je leu binhyepo jitindei ser yo di ibindei di jiba nitok biyam kin yo di ibindei di yo di ingon jo kep nya ingon kiowi tut ide niba ningon comti lewo igyai munti dima srep tut ningginau jeti di nijit-jau di jiyai nipou su. Ma jimbres jenti leu yok.

KORINTUS GI NIGOM 10:12

Ma no di kan bipia ningon nddong kei ningon sok kep nonti leu binhyepo cut ei sisarti au.

KORINTUS GI NIGOM 8:9

Mbro nok gima lo, ma jingon sok kep jenti ser leu ma jide nimig mbus gi kei leu gi kinei kanti dima bindei ba, yo di ingon nddong bi nya icut ei sisarti.

KORINTUS GI NICAN 10:5

ninggek nisindem nibousi nya di yo di ingon jei nya ingot bisrin ser puig di bie ndam Allah. Nikat ningon kanti nya di ntun dihyeisi dini him binikuk hagom bibit Kristus nihyet cem.

GALATIA 1:14

Dita dibou ei Puig Yahudi niggai serti dor njiriek mben Yahudi nindigsi nya di ikui sur dani cem. Dita dibou ei didigup bat-didigai bat nya igyai kepti timiei nyati cem.

GALATIA 4:3

Nok gima tut nyeni cem. Nipou tirigi imahan bigyo ne ninnei di inyeng tak kep mpia-bbed him kin dihyeisi dini nya yuubon nye ba, inok awak.

GALATIA 4:9

Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?

GALATIA 5:15

Noro disok kep je bipia gino jaham yam noyam kin mindhe di niten-pos nya yaham yam ne mbigom jibindei yam ba, jitimek bijingwig ri.

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

EFESUS 4:20

Mun dima yok ntun jide ningon dorti tut Kristusti him bi!

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

FILIPI 3:2

Ma jitindei ser yo di ibon kep mun di suwok nya lewo inoyam kin nsien di niten-pos nya bibidip huk tungwatu nya tut midut sunat.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

KOLOSE 2:22

Ide nidimig sutti dima yok hagom ket ei mun di tungwatu nya ibimangkrei he. Nidimig sutti dima yok ntun tungwatu dihyeisi dini ikan-kan nyenti kin ide ningginausi him he yo.

KOLOSE 2:23

Ningat ne nidimig sutti dima bitut nikwap tungwatu nyati tut gima ikuk yok bak malaikati nya kin niba nibou coi mem yam lo, ibitot hagau he kin ide nihwen bit ingutti hagom ntun ningon kiti him bou tungwatu nya igyai him. Noro mun dima yok hagom bon ninyeng ba, bit bon om kep tungwatu nya ingut kanti nya kan bi.

TIMOTIUS GI NIGOM 6:20

Na di Timotius e, ma anyohou mun di Allah ba ningon com na tut! Ma ambres nanti leu nisimbot kep biyamti di nok nihyet minyei kin tungwatu nya di iba ighyet dahat yam hyet tut mun di iba ingon kiowi bijem ninyeng “Nikan tutti.”

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

PETRUS GI NIGOM 1:18

Lewo jikan tut bipia Allah ba mitiei kin mas di mipror yon bipek je hanyen leu jiyai munti di kinei di jiyai leu jidigup bat-jidigai bat nya bi.

PETRUS GI NICAN 3:17

Disut bat di dingon kieti jen, jikan tut mun dini yok hagom tu. Gima rino ma jitindei ser yo di ingkek ndok tut Allah nicuk yokti leu binhyepo iris je bijicut leu jiya nddongti au.

YOHANES GI NICAN 1:8

Ma jingon sok kep jenti ser nhyema mun po nicom nahanggwap tut sar hanyen bi. Ma jibrim jingkek leu binhyepo jiyai jimuhup titut leu Allah.