KOLOSE 2:4 - ALLAH NIHYET MEM TUNGWATU NYA

⁴ Gima rino disok kep je ser nhyema jicut bit yo di iba ighyet di mmau biris bije au.

KOLOSE 2:4 ပူးပေါင်းရင်းမြစ်များ

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

MATIUS 24:4

Yesus buhup “Ma jitindei ser tungwatu nya leu binhyepo hi ris bije bibindei ba, jisrawir au.

MARKUS 13:22

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mikiju leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

KISAH 20:30

Lene gima he bi lewo ibou poi leu jikieti mitri tut nihyet nitrowai bibindei ba, yo di ingon jo kep nya itti kin yok bisrawir ug ri.

KORINTUS GI NIGOM 2:4

Diba dihyet mmau di tug hon ningon di ki di ntun dihyeisi dini him bitri tut nihyet bije bi. Noro tug hon nisinati di ndo brei bije bipia Allah Ninnei sindem bibor.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

EFESUS 4:14

Leu api inok munggwom nya bu bi. Lewo munggwom nya inok ut mien di mbut ariwace bibit muk di tti kin hou di ttem yok drek dip yo di ingon mang ide ningginausi. Yo dima icom biei mpup ris tungwatu bibindei srawir yok.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

KOLOSE 2:18

Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

KOLOSE 2:8

Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

2 TIMOTIUS GI NICAN 2:16

Ma ambres nanti leu nihyet minyei kin mun di tungwatu nya iba ighyet dahat yam tut di bon ninyeng bi. Lewo mun dima yok hagom bindei ba, tungwatu nya ingkwei leu Allah.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

YOHANES GI NIGOM 2:18

Dimunggwom bat jen, nijam dini son dideu njap ningwig honti tu! Jimiap tut No Di Ba Nitok Bak Kristus ninghapti tu. Noni mittau kep nye lo, yo di iba nitok bak Kristus imang bibor ittau kwei su. Gima rino ikan tut bipia nijam dini son dideu njap ningwig honti tu.

YOHANES GI NIGOM 2:26

Dipas kep srat dini tut yo di ibrim ingkek mem gima iris je nya.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 20:3

Noni com naga ug ei jui ninnei rom nya ide leu api bakusin ser dimbou lene ba biei nggrai bikrau kep. Gima hagom nok leu binhyepo bit bon Bilis ris bak tungwatu dihyeisi bu kan bi bibou ari bingwam sribu gom ngwig ug e. Tirigi tto bou dem tu lene dimbou jui nsi dima mikau leu noni mem nijam di jei bi.

NINGAT-HI-NGAT NYA 20:8

Leu api Bilis mimbut ug ei dihyei nisurti-nipekti hagom leu binhyepo ris bak tungwatu nya yahagom. Yo dini ne timiei minu ndig Gog kin Magog nya rin ba, imangti dem kep igum di jo ei muk pimat nimangti. Bilis nduk yo dini yahagom kwei mem gima ikon pran.