KOLOSE 2:2 - ALLAH NIHYET MEM TUNGWATU NYA

² Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

KOLOSE 2:2 ပူးပေါင်းရင်းမြစ်များ

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

MAZMUR 133:1

Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

YESAYA 32:17

Tungwatu nya igyai munti di igbit hagom mibindei ba, yahagom ingon kwes kin yam ba, ibong kei igwam kei.

YESAYA 40:1

Ide Allah pai “Ma jiwin ingonti ba, jiwin Ditde limwa nya ingonti!

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

LUKAS 1:1

Srat dini mem Andigpoi Teofilus di ninyeng jei. Nipou pini jug ne tungwatu nya imang bibor ita ibou ei nipas kep sindam tut mun di pek kep ei nyeni nikieti tu.

YOHANES 10:30

Dicig kin Dani ninok gom kin yam.”

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 16:15

Mun nyeng hagom di jo bak Dicig jo biDa cem. Gima ripo dipai bije bipia Ninnei Gi Kwes mbot kep tut mun di Noni miap di tibim leu duhui him bije.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 5:17

Noro Yesus pai biyok “Dicig yai kep midyai nya kikau kwei bipek ammani kep ba, Dani cem diyai kep midyai nya.”

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

KISAH 4:32

Yo di ingon jo kep nya yahagom ingon kin innei gom kin yam ba, hi drui kep nide mun di nyeng tut bi. Noro ibippiet hagom biyam.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

KORINTUS GI NIGOM 14:31

Tug hon nisinati di nok gima bon nituti mem jahagom ba, bikwop tungwagom-gom tri tut Allah nihyet sindam leu binhyepo yahagom ipwoi ningginausi dima ei ingonti bibikum ei ide ningon jo kepti.

KORINTUS GI NIGOM 2:12

Nyeni ipriet kin mun di kei di Allah njei bak nyeni hagom lewo Noni yai ninnei di ntun dihyeisi dini him binye bi noro yai Nonti Ninnei binye.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

EFESUS 3:16

Handei kon ba, Allah di nyeng tut nikei-kau-keisi sindem tut je tug hon Ninnei leu binhyepo jingon mien nddong kei.

EFESUS 3:3

Allah mbot kep tut nimimun di Noni kos tut ei nipou su leu api tri tut hanyen bida. (Dirop ninda ndigsi bije tu.

EFESUS 6:22

Gima rino dicuk noni hwou ndam je. Leu api noni mipai brei bije tut mun di pek kep mem nye nya ba, bibiwin kep jingonti.

FILIPI 2:1

Jide niyaijo nok gom kin Kristusti biyai nisindem bije ba, Kristus ningon ngakei jeti gwam ser jingona. Allah Ninnei bie tut je cem jisingat tut yam cem jingondut yam cem.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

KOLOSE 1:26

Nihyet dima ne nimimun di Noni ku bijo nding ri. Bit bon tungwatu nya ikan tut nihyet dima bi habiei leu nimbie him kikau kwei bipek ammani kep. Noro tini bu ne Noni mbot kep tut bak Nide limwa nya.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

KOLOSE 2:19

ikrau kep Kristus di nok nibou mem ningut bu bi. Kristus nibie tut ningutti bindei ba, ningut titut cim tindei yam tug hon ninggiluk kin nituti nya ba, Noni nyohou hagom leu binhyepo ningut yai nisindemti bit leu Allah ningon kanti.

KOLOSE 3:14

Mun di bon ninyeng rino suar jingon ngakei yam lewo ningon ngakei yamti dima rino ngot jahagom kin yam leu binhyepo jibicim tindei yam nok gom.

KOLOSE 4:3

Ma jingat nadi tindei nyeni cem leu binhyepo Allah bon nikwesti mem gima nitri tut nihyet binimbot kep tut nimimun tut Kristus. Lewo disima ei ig bui nsi nogondini drek dip gi ditri tut nihyet dima.

KOLOSE 4:8

Dicuk noni bihwou ngat je leu binhyepo biwin kep jingonti bipui bije tut mun nyeng hagom di pek kep mem nye ei mpia dini.

TESALONIKA GI NIGOM 1:5

Lewo nihwou sut Nihyet Di Kei ei jikieti tug hon nihyet di tibim leu nuhui him he bi noro tug hon nisindemti kin mindur di Allah Ninnei bibon ei jikieti. Nindo tut niba ningon com Nihyet Di Keisi bije tu. Nyende niyai munti nya jo nibreisi mem je tirigi ningat rin ei jikieti ba, nibrim ningkek mem je.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 10:22

Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

PETRUS GI NICAN 1:10

Disut bat jen, ma jibrim jingkek leu binhyepo Allah nihig jeti kin nidimig jeti micom nigau ei jingonti binghig-niker. Gino jiyai nok gima lene jisrawir bi.

PETRUS GI NICAN 1:3

Allah de nisindemti di kei-kau bindei ba, nyeni igyai mun nyeng di isuar nya hagom mem gima igyaijo kin ingon di kwes. Noni bindei mbut mun dini yok tug hon ingon di dorti tut Kristus di hig nye leu binhyepo ipriet kin Nide nikei-kau-keisi kin ningon srenti.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YOHANES GI NIGOM 3:19

Tug hon nisinati pima ne ingon dorti tut bipia igyaijo nok gom kin Allah nimunggwom bat di nijit nya ba, ingon jo nyahan ei Allah Noho bei.

YOHANES GI NIGOM 5:7

Mun nyeng ningai di ingat gini bou igyai him bitri tut yo rinaha.