KOLOSE 2:18 - ALLAH NIHYET MEM TUNGWATU NYA

¹⁸ Ma jisindui sut yo di ikon ighyet tut inyeng di jei drek dip gi ipai bipia iba ibou coi ba, ikuk yok bak malaikati nya noro ibitot hagau he. Yo dima ikan-kan nyenti di ntun dihyeisi dini him bindei ba, ingon jei sut yonti cem ingon ndig sut ningat-hi-ngat di mindur nya di ingat bou igyai him cem ba,

KOLOSE 2:18 ပူးပေါင်းရင်းမြစ်များ

NITRITI 3:13

Lene tuhan Allah hig ser no di sop “Nggon rino ayai nok gima i?” Leu api no di sop buhup “Wou ris da ba, diyem biei ngat dima.”

AYUB 38:2

“Na di aba ahyet hou kin ahyet di nok bu tan ahig bikiek dingon di ki e, anyeng tou i?

YESAYA 57:9

Jiba mini ibou kin mini di ui-gwang kei nya bidip je leu api juug kuk je bak kwar Molokh. Jicuk tungwatu nya biyuug nggok kwar hiter nya ei minu ting kin minu nimai ide nya cem.

YEHEZKIEL 13:3

tuhan Di Ninyeng Jei Bibor pai “Buhun bibor mem nabi ngot di ingon mbum dima yok! Ide ningon kanti di imbot kep tut nya igyai leu yonti intin ba, ningat-hi-ngat di ingat cem nitrowai nitu he.

DANIEL 11:38

Noro noni nggei sut kwar di nyohou tentara nibousi di igya coi nya. Noni ba mas kin perak kin tig permata kin munkwas di kei-kau nindigsi nya bikuk no bak kwar di nidigup bat-nidigai bat nya ikuk yok bak bigyo sren dima.

MBEN ISRAEL IMBUT-MBUT NYEN 25:18

drek dip gi ibon mun kinei sut jeni tirigi iris je ei Peor pima cem drek dip nibou Midian nide bat nya gom nipmisop Kozbi di tug ndei nimai ei mpe di nsuwer ajar hwen jeni ei Peor pima cem.”

MATIUS 24:24

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mitau kwei leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

ROMA 1:25

Ibindei ba, ikuk yok bak mun di nitrowai di ya luei Allah di nijit-jau nohoti. Ikuk yok bak mun di Allah pai tes he ba, yuubon yonti nok awak mem noro ikuk yok bak No di pai tes mun nyeng hagom ba, yuubon yonti nok awak mem Noni bi. Suar tungwatu nya inggei sut No di pai tes dima bijo ninno bijo kikau! Igbit ri.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

KORINTUS GI NIGOM 13:4

No di ningon ngakei hiter ningon jo nyahan ba, ningon nggriu cem. Bou dut bi, ningon jei bi, ningon llei-llau sut nonti bi,

KORINTUS GI NIGOM 3:3

Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

KORINTUS GI NIGOM 4:18

Ibou poi di isrig jikieti ingon jei sut yonti lewo ikan bipia midihwou ngat je bi.

KORINTUS GI NIGOM 4:6

Disut bat jen, diba srat bokti di dipas ei su nya hagom bisrou Apolos nyeni ba, bon ninyeng mem je. Diba nye cin dini bindo bindo bije leu binhyepo jiyok ngon kep nipingok tungwatu nyati di pai binye “Ma jikrau kep nidimig sutti nya.” Tug hon nisinati dima bit bon jimig mbus yam bijingon jei sut hi lene jingwes pri gau hi kan bi.

KORINTUS GI NIGOM 8:1

Nogindini dibuhup jihyet tut mikwau nipigig sut mem kwar di ikuk yok bakti nya. Ningat ne tungwatu nya ipai “Nyeni yahagom ingon ki tut mikwau nipigig serti” Noro ingon di ki tut mikwau dima biyai ingon di jei sut nyenti lo, ningon ngakei yamti bindei ba, igyai nisindemti.

KORINTUS GI NIGOM 9:24

Jikan tut bipia yo di yahagom idor bibeheu yam noro no di dor bipek nipekti bibie nongkom tug ndei mun di kei. Gima rino ma jidor sindem tereu nok yo dima leu binhyepo jipriet kin mun di kei.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

KORINTUS GI NICAN 12:20

Dikrau dingon tut gima jei bi lene dihwou ngat je bidingat lo, jiluei jingonti bijibindei ba, dingon pus tut je drek dip. Lene ma jingat lo, diluei dingonti bidibindei ba, jingon pus tut da drek dip. Dikrau dingon tut gima dihwou ngat je bidingat lo, jiliriem yam cem jingon kinei sut yam cem jingon sibui sut yam cem jiba nitok biyam cem jihyet tigut yam cem jittei mumpui ei yamti cem jingon jei cem jisrep tut yam cem a.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

NINDAT KEP TUHAN NICUKTI NYA 29:29

Ide tuhan Allah ku mimun tut mun nyeng poi noro Noni ndo Nikos Tutti Nya bak nyeni tu. Gima rino suar nyeni kin ide nintun him yamti di bram yam nya ibit nihyet bijo ninno bijo kikau hak ug.”

FILIPI 3:14

Gima rino didor bidihallu kak puig ndam nipekti leu binhyepo ditug ndei niyaijo ei gwamti. Tut gima rino Allah hig nye kwei tug hon Kristus Yesus.

KOLOSE 2:23

Ningat ne nidimig sutti dima bitut nikwap tungwatu nyati tut gima ikuk yok bak malaikati nya kin niba nibou coi mem yam lo, ibitot hagau he kin ide nihwen bit ingutti hagom ntun ningon kiti him bou tungwatu nya igyai him. Noro mun dima yok hagom bon ninyeng ba, bit bon om kep tungwatu nya ingut kanti nya kan bi.

KOLOSE 2:4

Gima rino disok kep je ser nhyema jicut bit yo di iba ighyet di mmau biris bije au.

KOLOSE 2:8

Ma jingon sok kep jenti ser nhyema hi ba ningon di kiti di ntun tungwatu dihyeisi dini him di bon ninyeng bi buubon je au. Ningon kiti dima ntun Kristus him bi noro ntun tungwatu dihyeisi dini ingon kanti him kin ninnei di inyeng tak kep mpia-bbed him kin dihyeisi dini him.

TIMOTIUS GI NIGOM 1:7

Yo dini indo yonti nok guru di ingon ki tut Puig Yahudi ningginausi noro ingon kiowi niti tut mun di itri tut kin mun di iba ighyet bidahat yam di bindei ba, ingon jei.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

YOHANES GI NIGOM 2:26

Dipas kep srat dini tut yo di ibrim ingkek mem gima iris je nya.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

NINGAT-HI-NGAT NYA 3:11

Jei bi ne dihwou! Suar jinyohou mun di jinyeng tut leu binhyepo hi ris jide munkwas di jiyai tug hon jide nibindei cut sisar nisindemti leu je bi.