KOLOSE 2:16 - ALLAH NIHYET MEM TUNGWATU NYA

¹⁶ Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.

KOLOSE 2:16 ပူးပေါင်းရင်းမြစ်များ

NIBOU NDIG NYA GI NICAN 4:23

Nijjep hig ser noni “Nggon rino ambut mem njap di ammani i? Njap di ammani ne Njap Nigwam Kep Ninghuisi kin Njap Ndig Bed Jep bigyo.” Noro nitnem buhup “Nok ug e. Dimbut hak ug.”

NIBOHON MBEN ISRAEL GI NIGOM 23:31

bikwop nituti dino ibon midut nindig mindhe titut kep humti bak tuhan ei Njap Nigwam Kep Ninghuisi cem njap Bed Jep kin nibon midut nindigsi nya cem. Yo di intun keret Lewi him inyeng tak kep midyai dima yok hagom bikwop njap ba, ibuhup tut nikos tutti dino suar igyai kep midyai dima bijo ninno bijo kikau.

NIBOHON MBEN ISRAEL GI NICAN 31:3

Nibou ndig njei mindhe-ndhe di isuar leu nide mindhe-ndhe nimuhup tu nya mikuisi mem nibon midut nindig mindhe-ndhe titut kep humti bikwop njap tekti kin mmunti cem lene mem mindhe-ndhe di indig kep hum bak tuhan ei Njap Nigwam Kep Ninghuisi kin midut Bed Jep kin nibon midut nindigsi nya hagom bit leu nok tuhan De niggai serti pai sut nya.

NEHEMIA 10:31

Gino ngkiai nya ijoi sut itri gandum kin ndigban hiter nya binye ei Njap Nigwam Kep Ninghuisi cem njap di kwes nindigsi nya cem lene minipek mun nyeng hi leu yok bi sren. Bikwop ari bingwam gi nimuhwindacan lene miniyai miai njita ba, minibrim nyende ningwam di jo bak yo di hiter ei ari bingwam dima cem bi sren.

NEHEMIA 10:33

Minitin ei mun di imam nya isuar mem ibibon njap nibon midut nya ei tuhan De Ig. Mun dima yok ne roti di idis ei tuhan Noho bei kin njita mem nibon midut nibipai sigyo bak Allahti di indig ei nimbar hum dokti bak Noni bikwop njap-njap kin mun di isuar mem midut di ibon kep Njap Nigwam Kep Ninghuisi kin midut di ibon kep Bed Jep kin midut nindigsi nya kin mindhe-ndhe di indig ei nimbar hum dokti mem midut nibiyai nikos ser sisarti cem rin ba, nirop ninda ndigsi ne mun nyeng di isuar mem tuhan De Ig hagom.

NEHEMIA 8:9

Tirigi Nicukti dima tibim ei yo dima itingou nsi lene ingon huk niti leu api ipim nggruet. Lene Nehemia di nok nibou hanjop dima kin imam Ezra di ningon ki tut Nicukti dima kin Lewi nya di ingginau Nicukti dima bak ide limwa nya yahagom ipai bak yo dima “Njap di ammani ne njap di ipigig sut ei mem tuhan. Gima rino ma jingon ngguk ba, jipim au.

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

YEHEZKIEL 4:14

Noro dibuhup “Ayo, tuhan Di Ninyeng Jei e! Leu dimien yo kikau bipek ammani kep dibindei ba, map kui da drek dip gi diyem mindhe di mai hak ninghui kin ninghui di mindhe di niten-pos yem di niken jo ei bigyo ba, dibiyem njita di ipigig ser cem hi bigyo sren.”

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

IMAM NYA IDE MIDYAI 16:31

Njap dima ne njap nindig rin dem kep nok jide Njap Nigwam Kep Ninghuisi. Suar mben Israel yahagom isindui njita mem nituti poi ei njap dima lene inda jo kep ide midyai nya au. Suar mben Israel ibit dicuk yokti dini bijo ninno bijo kikau.

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MBEN ISRAEL IMBUT-MBUT NYEN 10:10

Lene suar jimiep pun mbrei dima hacem mem njap nindig di jiyai nillei tut Pesta Bed Jep kin njap ndig nindigsi nya cem ba, nibimbi bong tirigi jibon midut nindig mindhe titut kep humti kin midut nibiyai ningon kwes kin Allahti cem. Leu api midimpu jeni. Dani ne tuhan ba, dinok jide Allah ri.”

MATIUS 15:11

Mun di coi ei tungwatu nya insi bindei ba, map kui yokti bi. Noro mun di tibim kwei leu yuhui him he rino bindei di map kui yokti.”

MARKUS 7:19

Lewo mun dima coi ug ei ningonti bi noro coi ug ei ninghopti ba, jei bi lene oi sut hanyen.” Tug hon nipaisi dima lene Yesus sindui sut tungwatu nya igyem kep njita kin mikwau hagom apino map kui yokti drek dip bi.

KISAH 15:20

Noro ma ipas srat di bisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin mindhe di iba kuk bikri kep nikimam di ninggrom huisi kin niyem ninggromti kin nicut tut yamti cem.

ROMA 14:10

Gima rino disut bat jen, nggon rino jiba jihyet biyai jisut no di ningon jo kep i? Nggon rino jingwes pri gau noni i? Lewo yahagom migya ei Allah nimig him leu binhyepo Noni mbus ingonti.

GALATIA 4:10

Jidimig njap ngon bou kin bed ngon bou kin ari bingwam ngon bou hagom ei nok ngon bou di bon ninyeng mem je.

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.

SAMUEL GI NIGOM 20:18

Lene Yonatan pai “Gino ayem njita bit nye mem njap di hyep bi lene gima mijo nibreisi mem yo di hiter lewo gima ne Pesta Bed Jep ri.

SAMUEL GI NIGOM 20:5

Gima rino Daud buhup “Njap di hyep ne tto bou dem mem nibon Pesta Bed Jep rin ba, suar diyem njita bit nibou ndig bit leu diyai kepti. Ne gino ace tut lene midiku da nyahan ei beisi pima kikau bipek njap di can mmunti.