KOLOSE 2:14 - ALLAH NIHYET MEM TUNGWATU NYA

¹⁴ ciu ser buk di nyeni itak kep ser Nide mitiei ngwam di ba nidimig sutti di buhun tak nye. Allah pek buk di itak kep ser dima kin biei salibti binggek tut nidimig sutti di pai kep nye.

KOLOSE 2:14 ပူးပေါင်းရင်းမြစ်များ

NEHEMIA 4:5

Ma akos ser ide sisar ba, angon prion ser ide mun di mbuk au. Lewo ighyet wer mpiahi tut nye di nikinding ngug tig dini hanyen.”

ESTER 3:12

Ug ei njap gi nisimnaibrimigningai mem bed gi nigom lene Haman jem nibou ndig de sekertaris nya kwei bidem yam bit noni. Noni cuk yok leu binhyepo ipas srat bit leu mun nyeng hagom di cuk yok tut nya. Leu api iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti. Ipas srat dima gau Ahasyweros ninyeng lene iba srak mas pima bitak buk ei srat dimati. Leu api ibipbur bipinak srat nicuk yokti dima bak yo di inyeng jei nya kin nibou nya kin andigpoi ndig nya bidem hanjop nsi nya yahagom. Nipas kepti di jo srat dimati bicuk timiei nya yahagom bipia ug ei njap simnaibrimigningai mem Bed Adar ne suar icok tut mben Yahudi yahagom bitut ndigpoi nya kin pinai pilei nya kin sop nya kin munggwom nya ba, hi ningwes ngun bi. Leu api suar ipos ndigban di ide nya hagom cem.

ESTER 8:8

Noro bit bon dibrim srat di dipas gau dinyeng nibou ndig biditak buk eisi tu hanyen kan bi. Mbro nok gima lo, disindui sut bijipas srat bak mben Yahudi tut mun nyeng di jikan lo, kei nya. Ma jipas srat dima gau dinyeng lene jiba ditde srak mas bitak buk eisi.”

MAZMUR 51:1

Doia Daud mem no di bie tut doia nimpung

MAZMUR 51:9

Aciu ser ditde sisar leu api dingon kwes hanyen. Apiap da leu sisar leu binhyepo dingon tiei kei noyam kin bunggum.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YESAYA 57:14

tuhan pai “Ma jitot lentes bijitin puig mem Ditde limwa nya. Ma jinjei mun nyeng di bigen ser puig dima hagom.”

MBEN ISRAEL IMBUT-MBUT NYEN 5:23

Lene suar imam pas nisigionti dima ei srat kijumti lene ba minyei mpo-mpam dima bidip leu binhyepo silip bibiyam ug ei mok igtuyap pimati.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KOLOSE 2:20

Tirigi jimai bit Kristus lene Noni kwek je leu ninnei nya di inyeng tak kep mpia-bbed him kin dihyeisi dini. Nggon rino nogindini jiyai bram tungwatu di intun dihyeisi dini him nya igyai kepti nya di om kep je i? Nggon rino jikuk je bak ide nidimig sutti nya di cuon ser je bipia,

TESALONIKA GI NICAN 2:7

Nisindemti di yai kep mun di sibut kinyon ei nide midyaiti nding leu tungwatu nya igyai him tu. Noro mun nyeng gom om kep noni. Mpe dino mun di om kep dima kes ninda leu ne,

IBRANI 7:18

Gima rino nidimig sutti timiei cut lewo sindem ba, bon ninyeng bu bi.

IBRANI 8:13

Tirigi Allah pai sut gi preu nijep lene nipaisi dima bindei ba, Noni cut gi preu nitimiei bibindei ba, sindem bu bi ba, nggun cem. Lewo jei bi lene mun di sindem bi ba, nggun dima mipror ri.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.