KOLOSE 2:13 - ALLAH NIHYET MEM TUNGWATU NYA

¹³ Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

KOLOSE 2:13 ပူးပေါင်းရင်းမြစ်များ

MAZMUR 119:50

Mbro nok gino dicut ei ninghuisi weisi lo, nipreu ei mem dati dima rino bigwam ser dingon bisindem tut diyaijoti lewo Ade nipreu eisi bindei ba, diyaijo.

MAZMUR 32:1

Daud ba doia bikiek ningginausi. Bikwop yo di ipigau hanjop lo, tuhan kos ser ide sisar tu lene yo dima ingon nggei-hi-nggei lewo Noni ji kep ide sisar tu.

MAZMUR 71:20

Ayai ninghuisi wei di buhun bibor mang bibor bida noro angkwei mimbri di kui dingkek hanyen bida ba, awin da bidikiju hanyen leu nimai jui cem.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

LUKAS 15:24

Lewo dipmot dini mai su noro niyaijo hanyen bu. Nipou ne noni srawir leu da noro dingat ningat bou diyai him hanyen tu.’ Pai nok leu api yahagom ibon pesta nindig bibor.

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

LUKAS 9:60

Yesus buhup “Nna ba asindui sut ba, yo di imai nya itig ide nimai nya. Noro tut nani ne ma aug tri tut bipia Allah ninyeng tak kepti sindi tau kep tungwatu nya tu.”

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

ROMA 4:17

Lewo Allah pai bak Abraham “Dibindei ba, anok pung di mben mang bibor intun him.” Gima ne Allah nipreu ei mem noti. Apino Abraham ba ningon com Noni. Noni ne Allah di kon tungwatu hanyen leu imai eisi rin lene ba nihyet bipai tes mun di jo bi sren bibindei ba, jo nijoti.

ROMA 6:13

Ma jikes jingut nimbumbati nya ei sisar nindati leu binhyepo sisar ba nimbumbati dima yok bibon mun di kinei au. Noro ma jikes jenti ei Allah nindati tereu nok yo di Noni kon yok hanyen leu imai eisi bigyai niyaijo nijep. Ma jikes jenti njem ei Allah nindati leu binhyepo Noni ba jingut bibon mun bit leu ningon kanti.

ROMA 8:11

Gino Allah Ninnei di kon Yesus hanyen leu nimai eisi ningat rin ei jingonti ne Allah gom ngat dima mikon jingut di mipror yon hanyen tug hon Allah Ninnei di ningat rin ei jingonti.

KORINTUS GI NIGOM 15:36

Angon mbum yo! Mpe dino andim njita ngan lene nisina bai mai ei dihyeiti nipou leu api nikioi hei bram bu.

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

KORINTUS GI NICAN 3:6

Noni sindem tut nye leu binhyepo ninok awak mem gi preu nijep. Gi preu nijep dima nitriti ne nicukti di tug hon srat bokti rin bi noro Allah Ninnei de midyai nya ri. Nicukti di tug hon srat bokti bie ug ei hukum nimai. Noro Allah Ninnei bie ug ei niyaijo nijepti.

KORINTUS GI NICAN 5:19

Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

EFESUS 2:1

Nipou ne mun di bitut jinnei mai su lewo jibit Allah nicukti nya bi bijibon kep sisar.

EFESUS 2:11

Disut bat je di ngkiai nya e, ma jiyok ngon kep mun di cut igkep je nipou su nya. Mpe dima lene mben Yahudi di ibidip huk midut sunat di igyai su nya ipai sut je “yo di ibit midut sunat bi” nya ri. (Gini bitut midut neet pinai nya ingkek kulup bit leu Musa nicuk yoti.)

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

TIMOTIUS GI NIGOM 6:13

Disok dihyet mem na ei Allah di yai niyaijo bak Nide nipai testi nya hagom niyai him kin Kristus Yesus di tri tut Nide niba ningon comti ei Pontius Pilatus noho bei bipia,

IBRANI 6:1

Gima rino ma ibrim ingkek ba, ipikor leu ningginausi di bindei dino imahan ei Kristusti ba, ingkwei-ngkwei nyen kep nitriti bu au. Ma indat-ndat nyen ningginausi tut nikiek nye leu niyai munti di bon ninyeng bisi nya kin ningginausi tut ningon jo kep Allahti,

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

YAKOBUS 2:17

Nok gima tut niba ningon com Yesus Kristusti cem. Gino igyai munti nya bicim tindei bi ne ide niba ningon comti nongkom he dima bon ninyeng bi.

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?

YAKOBUS 2:26

Gima rino gino ninnei kimbas ne ningut mai su. Bingon leu nok gino tungwagom yai niyai munti nya hi bi lene nide niba ningon comti cem mai su.

YOHANES GI NIGOM 2:12

Dimunggwom bat jen, dipas kep srat dini bije lewo Allah kos ser jide sisar drek dip Kristus tu.