KOLOSE 1:4 - ALLAH NIHYET MEM TUNGWATU NYA

⁴ Lewo nimiap jinghapti tut jide niba ningon com Kristus Yesusti kin jide ningon ngakei Allah de limwa nyati yahagom.

KOLOSE 1:4 ပူးပေါင်းရင်းမြစ်များ

KORINTUS GI NICAN 7:7

Allah biwin kep ningonti tug hon Titus nikweisi he bi noro tug hon mun di noni pui sut je dino jibiwin kep noni cem ningonti. Noni pui kep binye bipia jiyok jingon mem nituti tirigi jingat dingat bou jiyai him hanyen kin jingon di ngguk tut mun di jiyai tunggwei sut da pima kin gi jitin ei mem gima jimbrap gau da. Gini hagom biyai dingon llei bibor dor njiriek bu.

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 1:15

Gima rino tirigi dimiap tut jide niba ningon com Tuhan Yesusti kin jide ningon ngakei Allah de limwa nyati

EFESUS 6:18

Ma jiyai mun dini yok hagom ba, jibingat nadi bak Allah leu binhyepo Noni mpu je. Ma jiba jiyai ngkiemti kin jingon cut leu bisi bingat nadi bidem nituti kin nikwesti hagom bit leu nok Allah Ninnei nibie tut jeti. Mpe dino jimut jiyai ne ma juhuk nadi mem jisut bat yo di Kresten yahagom.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TESALONIKA GI NIGOM 3:6

Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

FILEMON 1:5

Lewo dimiap anghapti di tibim tut ade ningon ngakei Allah de limwa nya yahagomti lene aba angon com Tuhan Yesus.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 4:16

Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.