KOLOSE 1:29 - ALLAH NIHYET MEM TUNGWATU NYA

²⁹ Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KOLOSE 1:29 ပူးပေါင်းရင်းမြစ်များ

LUKAS 13:24

“Ma jigruap mem gima jicoi kak dimbou hui di kom lewo tungwatu nya imang bibor igruap mem gima icoi kak dimbou hui di kom noro bit bon icoi bi.

ROMA 15:20

Dingon bisau sut gima ditri tut Nihyet Di Kei bidem minu di tungwatu nya ikan tut Kristus bigyo. Tug hon nisinati dima ne dikon ig ninggilai ei yo di hiter ide cou nipmemti bi.

ROMA 15:30

Disut bat jen, ditigtai je leu binhyepo juhuk nadi bak Allah kikau mem da drek dip ide niba ningon com ide Tuhan Yesus Kristusti kin ide ningon ngakei yamti di Allah Ninnei yai binye cem.

KORINTUS GI NIGOM 12:11

Nisindemti dini yok hagom ntun Allah Ninnei gom ngat him ba, Noni ba nisindemti di ter leu yam dima bisindem tut tungwagom-gom bit leu ningon kanti.

KORINTUS GI NIGOM 12:6

Nyeni igyai midyai dima tug hon nisinati di ter leu yam noro hagom ntun Allah gom ngat him ba, Noni sindem tut bikwop tungwagom-gom.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NICAN 11:23

Apo yoni inok awak mem Kristus e? Mbro nok gino dimbrap tereu nok no di nintin kiek lo, disimbot dat bipia dinok awak di kei bibor dor njiriek yo dima yahagom! Dita dibou ei midyai nyati bibor cem disima-sima nyen ei ig bui nsi cem tungwatu nya imbas da kinei bibor cem dingon tai-tai bou mbirimang bibor cem dor njiriek yo dima yahagom.

KORINTUS GI NICAN 13:3

Mijiyai bindo di jisuar nya hagom di bindo tut bipia Kristus tri tut ningon kanti tug hon da. Gino Kristus yai nibou tut je ne Noni ba nibou coi mem je bi noro ndo Nide nisindemti brei ei jikieti.

KORINTUS GI NICAN 5:9

Gima rino ibrim ingkek bipwoi Tuhan ningon mem nijam dino ibong ser ig di ntun dihyeisi dini him kin nijam dino yuug ei ginyo kug cem.

KORINTUS GI NICAN 6:5

Tungwatu nya imbas nye bicom nye ei ig bui nsi. Ighyet ngwig kep nye bihwen nye cem. Nirom nye kep midyai ba, mpe hi nibong mai kan bi ba, mpe hi ninggum hwen nye cem hagom mbirimang tu.

EFESUS 1:19

jingon dorti tut Allah de nisindemti di mindur di sindem tut nye di ingon jo kep nya cem. Nisindemti dima noyam kin nisindemti di mindur,

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

EFESUS 3:7

Allah singat tut da ba, ubon da nok awak leu binhyepo ditri tut Nihyet Di Kei. Noni singat tut da tug hon Nide nisindemti di sindem tut da.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 1:30

Nogindini jeni cem jinjei bit da ei nikon pranti. Pran dini noyam kin pran di jingat bou jiyai him bipia dikon pran nipou su ba, jimiap dinghapti tut bipia dikon pran kikau kwei bipek ammani kep.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

FILIPI 2:16

tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

KOLOSE 2:1

Dijoi sut gino jingon dorti tut notou dita dibou ei Allah de midyaiti mem jeni kin mben Laodikia kin tungwatu di ingat dingat bou igyai him bigyo.

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 2:9

Disut bat jen, jo nibreisi mem da bipia jiyok ngon kep bipia ninda jo kep midyai nitu tirigi ningat rin ei jikieti ba, nigruap-gruap nyen tut midyai dima. Niyai midyai dima bikwop mmun-njap leu binhyepo nibindin je tut mun di bahati nye tirigi nitri tut Nihyet Di Kei bije bi.

TESALONIKA GI NICAN 3:8

Tirigi tungwatu nya iba njita bahati tut nye lene nirop hanyen biyok ba, ibipek mitiei leu nye. Nitindei kep jindati tut mun nyeng hi bi noro niyai kep midyai nya bikwop mmun-njap leu binhyepo nibuhun tak je bi.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

IBRANI 12:4

Lewo jibrim jingkek bijisrep tut sisar ninno tu noro jinggrom siber drek dip bigyo.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

NINGAT-HI-NGAT NYA 2:3

Joom jingon bijiyai ninghuisi wei drek dip Da lo, jingon cut leu bi.