KOLOSE 1:28 - ALLAH NIHYET MEM TUNGWATU NYA

²⁸ Gima rino nitri tut Kristus bak tungwatu yahagom. Niba ningon di ki binyohou sok kep yok ba, bingginau yok cem leu binhyepo nibuwak yok ug ei Allah Noho bei lewo ingonti kin innei mahan drek dip inok gom kin Kristus.

KOLOSE 1:28 ပူးပေါင်းရင်းမြစ်များ

EZRA 7:25

Na di Andigpoi Ezra e, suar aba ningon di ki di Allah yai bina bita nibou hanjop nya kin nikei nya leu binhyepo inyeng tak kep ide limwa nya di ibong ei hanjop Efrat-Ei-Mpia-Nikimbasti di igyai munti nya bit leu nok ade Allah nicuk yokti hagom. Ne gino bihi ingon mbum tut nicukti dima lene suar na di Andigpoi angginau yok tut.

NIPINGOK NINGONTI 8:5

Ma je di jimahan bigyo e, jita jibou ei ningon tekti. Je di jingon mbum e, ma jisindui sut ba, jipmem bat nya imiep jingona.

NIBA NINGON SRIP HUKTI 12:9

Nikan-kan Nyen Tut Mun Cig dima nintin kimbo ba, ningon ki. Gima rino ngginau limwa nya tut mun di kan tut nya hagom. Noni yok niyai kep nihyet nibiti ninda mang bibor ba, bingon bikan tut mun di igbit a.

YEREMIA 3:15

Lene midita nibou di ibit dihyet nya mem je yo. Yoni iba ningon di ki kin ningon di huk niti bibie tut je.

YEREMIA 6:10

Lene dibuhup “tuhan e, suar dimbrap bit tou i? Suar disok kep tou i? Lewo ingkek ndok ba, igingig itingou mem ahyet bi. Ipa tut Ade nisok kepti di ditri tut biyok ba, ingon mpo tut cem.

YEHEZKIEL 7:10

Njap di mun di buhun cut igkep mben Israel tau tu. Nisibutti digek tu. Tungwatu nya ide ninggei sut yonti kui bipek kin ninggram him tu.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

MARKUS 6:34

Tirigi Yesus kinyon ei igpong nintig dip lene ngat tungwatu ningot ndig di idem yam ei dima leu api Noni ngondut yok lewo inok domba nya di ibon ide gembala hi bi. Gima rino Noni sindi ngginau yok tut mun nyeng mang bibor.

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 13:38

Disut bat jen, ma jiyok ngon kep mungkun bipia nihyet tut nikos ser sisarti tibim ei jitingou nsi nogindini tug hon Yesus.

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 20:31

Gima rino ma jiya ser jenti! Ma jiyok ngon kep bipia diba diyai nggwei di kibor bingginau bibikwop jahagom bikwop mmun-njap kikau mem ari bingwam ningai. Dikes dinda tut midyai dime bi sren.

KISAH 3:20

Tuhan mikwei dideu je leu api biwin kep jinnei hanyen. Noni mipinak Yesus di Noni dimig ei nok jide Nibou Ndig di teu tungwatu biyai niyaijo nijep bak tungwatu nya hanyen kwei ndam je.

KISAH 5:42

Ba, itri tut Nihyet Di Kei ba, ingginau tungwatu nya tut Yesus kikau ei Tuhan De Ig kin tungwatu ide ig bei nya cem bikwop njap ngwa hagom. Yoni itri tut bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 8:35

Gima rino Filipus ba srat bokti dima nok nitriti bibuhup no dima nihyet bitri tut Nihyet Di Kei tut Yesus binoni.

KISAH 8:5

Filipus ug ei minu ndig gom ei Samaria leu api tri tut Nibou Ndig di teu tungwatu biyai niyaijo nijep biyok di Allah preu ei mem yok.

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

KORINTUS GI NIGOM 1:23

Noro tut nyeni ne nitri tut Kristus nimai ei biei salibti. Mben Yahudi ingon mpo tut nihyet dima ba, ngkiai nya ikan bipia nihyet dima ne nihyet minyei he ri. Lene ngkiai nya ikan bipia nihyet dima ne nihyet pei mbum ri.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NIGOM 12:8

Allah Ninnei yai nisindemti hi bak tungwagom leu binhyepo tungwagom dima ba ningon di ki bitri tut nihyet. Allah Ninnei gom ndia yai nisindemti hi bak tungwa hiter bu leu binhyepo tungwa hiter dima ba ningon di dorti bindim ningan bram.

KORINTUS GI NIGOM 15:12

Gino nitri tut bipia Allah win Kristus hanyen leu nimai eisi tu lene nggon rino jibou poi jisimbot dat bipia Allah win yo di imai nya hanyen leu imai eisi bi i?

KORINTUS GI NIGOM 2:15

No di yai Allah Ninnei ei ningonti kan tut mun nyeng hagom niboga. Noro hiter dem mem gima mbus no dima ningonti bi.

KORINTUS GI NIGOM 2:6

Mbro nok gima lo, dingginau yo di imahan ei Kristusti tut ningon di ki di nijit. Noro ningon di ki di nijit-jau dini kwei leu ningon di ki di ntun dihyeisi dini him kin nisindemti nya di inyeng tak kep dihyeisi mem nijam dini cem bi. Lewo nisindemti nya dima mipror yon.

KORINTUS GI NIGOM 4:14

Dipas kep srat bokti dini bak jeni leu binhyepo dibinim kep je bi noro dibipingok jingonti tereu nok jinok dimunggwom bat di dingon ngakei yok nya.

KORINTUS GI NICAN 10:14

Gino hanjop nsi di Allah pek binye bitut jeni cem ne jo nibreisi bipia tirigi nihwou sut Nihyet Di Kei tut Kristus ne nibipigau hanjop hi bi.

KORINTUS GI NICAN 11:2

Dingon ya mem je nindig bibor noyam kin gi Allah Nonti cem ningon ya mem je. Lewo jinok dikwohop nigwam nitta pilei. Diyok wab kep je mem tungwagom ba, No dima ne Kristus ri.

KORINTUS GI NICAN 4:5

Lewo nihyet di nitri tut ne nihyet tut nyenti bi noro nitri tut Yesus Kristus ba, Noni ne Tuhan ri. Lene nuubon nyenti nok awak mem je leu binhyepo nibinggei sut Noni.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

EFESUS 5:27

leu binhyepo Noni bindei ba, mbusyamei ya ei Noho bei kin gi kei-kau-kei ba, kwes-kwau ba, mun nyeng hi rap mbusyamei nitta ba, nirom kuisi bi.

NINDAT KEP TUHAN NICUKTI NYA 4:5

Dingginau je tut nicukti pima hagom bit leu nok tuhan di nok ditde Allah nicuk dati tu. Ma jibit nicukti dima hagom tirigi jibong kei jigwam kei ei minu di jitin ei mem jicoi eisi.

KOLOSE 1:22

Noro tini bu ne Noni yai jingon di kwes kin Noni tug hon Nipmot nimai ei biei salibti. Tug hon nisinati dima ne Noni bindei ba, jiba jingon di kwes kin jingon di pimbai kin jingon di ngun biya ei Allah Noho bei.

KOLOSE 2:10

Allah yai niyaijo nijep titut bije tug hon gi jinok gom kin Kristus. Noni ninyeng jei bibor ba, ninyeng tak kep ninnei di isindem bibor nya kin ninnei di inyeng tak kep hagom.

KOLOSE 2:3

Kristus Nongkom hit Allah ningon kiti kin nikan-kan nyenti di tereu nok mas nibousi di jo nding leu tungwatu nya igyai him hagom ei nibreisi.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

TESALONIKA GI NIGOM 4:6

Tut gima ne ma hi bon mun tunggwei sut nisut hi biris noni au. Nisok kep je ngkiem ser nipou su bipia Tuhan mikes hukum ei yo di ibon mun tunggwei nok gima dip.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

IBRANI 10:14

Kristus ba midut nibikos ser sisarti gom ngat he bibindei ba, tungwatu di igyai nipiap leu sisarti dima ingon kwes kikau.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

PETRUS GI NICAN 3:15

Ma jiba jingon srip huk bipia ide Tuhan om ningon tut je leu binhyepo bon nituti mem gima Noni teu je leu sisar biyai niyaijo nijep bije bit leu nok isut Paulus di ingon kieti nide nipas ei sratti di kes bije tu. Noni pas srat dima tug hon ningon di ki di Allah yai binoni.