KOLOSE 1:27 - ALLAH NIHYET MEM TUNGWATU NYA

²⁷ Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

KOLOSE 1:27 ပူးပေါင်းရင်းမြစ်များ

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

LUKAS 17:21

di bindei ba, ipai sut ‘Jikwei ngat i! No rini’ e, he ‘no rima’ e? Nok bi! Lewo Allah ninyeng tak kep limwa nyati sindi srig jikieti tu.”

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 8:10

Gino Kristus ningat rin ei jingonti ne mbro nok gino jingut mipror yon drek dip sisar lo, Allah Ninnei yai niyaijo nijep bije lewo Allah yai jingon di kwes kin Noni bije tu.

ROMA 9:23

Ba, Allah kos tut bipia ndo nikei-kau-keisi di ug hon nohonti bi brei binye. Noni njei nikei-kau-keisi dima bak nye di Noni tin ei nye tu nya lewo ningon nggriu sut nye.

KORINTUS GI NIGOM 3:16

Jikan tut bipia jeni ne Allah De Ig rin e? Jikan tut bipia Allah Ninnei bong ser jingonti e?

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 4:19

Dimunggwom bat jen! Dinghim dut tut je noyam kin sop di ninghim dut tut munggwom. Dinghim dut tut je kikau bibou Kristus ningon mien paisi com nigau ei jingonti ug e.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

FILIPI 4:19

Allah di dikuk da bak di nyeng tut mun di binyohou je nindig bibor miyai mun di jisuar nya hagom bije tug hon Kristus Yesus.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

KOLOSE 2:3

Kristus Nongkom hit Allah ningon kiti kin nikan-kan nyenti di tereu nok mas nibousi di jo nding leu tungwatu nya igyai him hagom ei nibreisi.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

IBRANI 6:19

Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.

YOHANES GI NIGOM 4:4

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

NINGAT-HI-NGAT NYA 3:20

Jimiap e, diya kui dimbou heisi bidipuk dimbou ba, no di miap dihyet bikau dimbou leu Da lene midicoi ug ei nide ig bei nsi leu binhyepo niyem njita bit yam.