KOLOSE 1:24 - ALLAH NIHYET MEM TUNGWATU NYA

²⁴ Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

KOLOSE 1:24 ပူးပေါင်းရင်းမြစ်များ

MARKUS 10:39

Yoni ice. Gima rino Noni pai biyok “Ningat ne mijidut ei gi mokti di didut eisi bijiyai dimig yam tug hon ninghuisi wei noyam kin Dani.

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

KORINTUS GI NIGOM 12:27

Jahagom sok yam ne Kristus ningut rin ba, bikwop tungwagom-gom noyam kin nimbumbati di nggre kin ningut.

KORINTUS GI NICAN 12:15

Gima rino ditin ei mem diba dingon di llei bikwas mun di dimbun nya hagom tut je bidikes danti njem cem ei mem je. Gino dingon ngakei je nok gima ne dem tut gima jingon hou ser da drek dip e?

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

KORINTUS GI NICAN 7:4

Diba dingon com je nindig bibor bidingon llei sut je! Mbro nok gino mun di buhun bibor cut igkep da lo, jibiwin kep dingonti. Gima rino dingon llei bibor!

EFESUS 1:23

Mbusyamei dima tereu nok Kristus ningut. Noni bindei ningut dima bikei-kau-kei ba, mun nyeng hagom ei tirima-tirima cem kei-kau-kei tug hon Noni.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

EFESUS 3:13

Gima rino mbro nok gino diyai dinghuisi wei drek dip je lo, ditigtai je leu binhyepo jingon nghen leu au. Lewo ningat di ntun ditde ninghuisi wei dini him bindei mbut mun di kei mem je.

FILIPI 3:10

Dingon bisau sut mun nyeng gom ngat he. Mun nyeng gom ngat dima rino dingon bit Kristus leu binhyepo nisindemti di biwin Noni hanyen leu nimai eisi misindem tut da bidipriet kin ninghuisi wei di cut igkep Noni bidinoyam kin Noni drek dip nimai ei biei salibti.

KOLOSE 1:18

Kristus ne nibou mem Nonti ningut ri. Ningut dima ne mbusyamei ri. Noni ne niyaijo nibousi mem ningut ri. Noni ne Allah Nipmot mighumbou di Allah win hanyen leu nimai eisi leu binhyepo Noni bon ninyeng biya bibie mem mun nyeng hagom ri.

2 TIMOTIUS GI NICAN 1:8

Gima rino ma ammai sut gima atri tut side Tuhan au. Ma ammai sut gi disima ei ig bui nsi dini drek dip Kristus cem au. Noro Allah misindem tut na mem gima atindei ser nituti tirigi apriet kin ninghuisi wei drek dip Nihyet Di Kei.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,