KOLOSE 1:18 - ALLAH NIHYET MEM TUNGWATU NYA

¹⁸ Kristus ne nibou mem Nonti ningut ri. Ningut dima ne mbusyamei ri. Noni ne niyaijo nibousi mem ningut ri. Noni ne Allah Nipmot mighumbou di Allah win hanyen leu nimai eisi leu binhyepo Noni bon ninyeng biya bibie mem mun nyeng hagom ri.

KOLOSE 1:18 ပူးပေါင်းရင်းမြစ်များ

MAZMUR 89:27

Noni mipai biDa ‘Nani ne ditde Allah kin Dicig kin No di diya coi kin No di teu da bidingwes ngun ri.’

DIUN MIMUN 5:10

“No di dingon ngakei ne mot ubbu di mimbri kui ningkek ba, dor njiriek pinai nindigsi di ibou sribu simnai ri.

YESAYA 52:13

tuhan pai “Ningat ne Ditde awak miyai nide midyai nya biput apino tungwatu nya minggei sut noni bikon ninyenga.

MATIUS 23:8

Noro ma jibidip huk tungwatu nya leu binhyepo ijem jinyeng ‘Guru’ au. Lewo jahagom jikinjoi bat yam ba, jibon jide Guru gom ngat.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

YOHANES 1:1

Habiei ei nimbie him nipou tirigi Allah pai tes dihyeisi dini bigyo ne Nihyet No rinaha. Nihyet dima ningat rin bit Allah ba, noyam kin Noni cem.

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 1:27

Noni ya abia kep da. Dem mem dikwek Nide srop leu nimig jou bi.”

KISAH 26:23

Ipai bipia Nibou Ndig di teu tungwatu biyai niyaijo nijep biyok di Allah preu ei mem yok pima miyai nimai leu api kiju hanyen leu nimai eisi bibie leu binhyepo Noni bon nikwesti mem mben Yahudi kin ngkiai nya igyai niteu leu sisarti kin niyaijo nijep ba, gini ne nipigati di piga digai yok ri.”

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

KORINTUS GI NIGOM 11:3

Noro dijoi sut jingon dorti tut mun nyeng gom kin bu. Mun dima rino Kristus ninyeng tak kep bibikwop pinai nya yahagom lene no di pinai ninyeng tak kep nitnem lene Allah ninyeng tak kep Kristus.

KORINTUS GI NIGOM 12:27

Jahagom sok yam ne Kristus ningut rin ba, bikwop tungwagom-gom noyam kin nimbumbati di nggre kin ningut.

KORINTUS GI NIGOM 15:25

Suar Kristus De Ninyeng Tak Kepti mbut kikau bibou Allah bindei cut Kristus de siceu nya boom yahagom ei Kristus nimig him ug e.

EFESUS 1:10

Ningon kanti di Noni bindei ba, mipek kep mem tungwatu nya ndo binye bipia nipai testi ei gwamti kin dihyeisi dini hagom mibicim tindei yam nok gom ei Kristusti ba, Noni ttei nibou tut hagom. Allah ningon kanti dini mipek kep dem igbit tto bou.

EFESUS 5:23

Lewo no di pinai ninyeng tak kep nitnem bit leu nok Kristus di ninyeng tak kep mbusyamei. Mbusyamei ne Nonti ningut rin tug hon gi teu yok leu ide sisar.

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

KOLOSE 2:19

ikrau kep Kristus di nok nibou mem ningut bu bi. Kristus nibie tut ningutti bindei ba, ningut titut cim tindei yam tug hon ninggiluk kin nituti nya ba, Noni nyohou hagom leu binhyepo ningut yai nisindemti bit leu Allah ningon kanti.

YOHANES GI NIGOM 1:1

Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 1:8

Allah di Sindem Bibor pai “Dani ne nimbie him kin nohon keti rin lewo dingat rin annani kin ammani bidikwei hanyen yo.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:13

Dani ne nimbie him kin nohon keti cem rin ba, Dingat rin ei nitriti kin ningwigsi.”

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.