KOLOSE 1:16 - ALLAH NIHYET MEM TUNGWATU NYA

¹⁶ Allah ba Kristus bipai tes mun nyeng di ningat rin ei gwamti kin mpia-bbed him kin dihyeisi dini hagom bitut mun di tungwatu nya ingat brei kin mun di bit bon ingat bou igyai him kan bi nya bitut ninnei di isindem bibor nya kin ninnei di inyeng tak kep ide limwa nya hagom. Allah pai tes mun nyeng hagom tug hon Kristus lene mem Noni cem.

KOLOSE 1:16 ပူးပေါင်းရင်းမြစ်များ

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

NIPINGOK NINGONTI 16:4

tuhan niyai kepti nya hagom muug bipek nipekti. Yo di isibut nya yuug dor nipekti dino nisar ningwigsi.

YESAYA 43:21

Yoni ne Ditde limwa di dipai tes yok mem Danti leu binhyepo iba doia bikiek dinyeng jeisi.”

YESAYA 44:24

Jide tuhan di teu je leu jide sisar bipai tes je ei jipmem bat nya inghopti pai “Dani ne Nipai Tes Mun Cig ri. Dangkom diprion mpia-bbed him ei anai. Tirigi dipai tes dihyeisi lene hi mpu Da bi.

YOHANES 1:10

Nihyet No rinaha ei dihyeisi dini. Allah pai tes mun di hagom tug hon Noni noro tungwatu nya ingat igbit Noni bi.

YOHANES 1:3

Allah pai tes mun di hagom tug hon Noni ba, pai tes mun nyeng gom njiriek Noni bi.

ROMA 11:36

Lewo Allah pai tes mun nyeng hagom ba, mun nyeng hagom jo nijoti tug hon Noni lene jo ei mem Noni cem. Ma tungwatu yahagom inggei sut Allah bijo ninno bijo kikau! Igbit ri.

ROMA 8:38

Lewo diba dingon com bibor bipia bit bon nimai kin niyaijo kin malaikati nya kin nibou nya bitut nisindemti nya ei mpia-bbed him kin mun di pek kep mem nye nogindini kin nidipti bu,

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

EFESUS 1:10

Ningon kanti di Noni bindei ba, mipek kep mem tungwatu nya ndo binye bipia nipai testi ei gwamti kin dihyeisi dini hagom mibicim tindei yam nok gom ei Kristusti ba, Noni ttei nibou tut hagom. Allah ningon kanti dini mipek kep dem igbit tto bou.

EFESUS 6:12

Lewo nyeni ikon pran bitindei ser tungwatu dihyeisi dini bi noro itindei ser ninnei di kinei di inyeng tak kep nijam di kinei dini yahagom ide nisindemti. Ikon pran bitindei ser ninnei rom di inyeng tak kep mpia-bbed him nya ide nisindemti.

NINDAT KEP TUHAN NICUKTI NYA 4:39

Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.

FILIPI 2:10

Leu binhyepo Allah nipai testi di ninnei ttau nuhwap nsi ei gwamti kin dihyeisi kin dihyei jou yahagom iba ibiau bicom mpia, bikon Yesus ninyenga.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

KOLOSE 2:10

Allah yai niyaijo nijep titut bije tug hon gi jinok gom kin Kristus. Noni ninyeng jei bibor ba, ninyeng tak kep ninnei di isindem bibor nya kin ninnei di inyeng tak kep hagom.

KOLOSE 2:15

Kristus ba Nide biei salip bibindei ba, ninnei nya di inyeng tak kep mpia-bbed him kin dihyeisi dini isindem bu bi. Noni bimangkrei yok bindo yok brei ba, ittei yam kui-juk nyen nok nimpung di isima drek dip Kristus nibindei cut yokti.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.