KOLOSE 1:14 - ALLAH NIHYET MEM TUNGWATU NYA

¹⁴ Allah Nipmot kwek nye leu mun di kat nye di bindo tut nikos ser ide sisarti.

KOLOSE 1:14 ပူးပေါင်းရင်းမြစ်များ

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

LUKAS 5:20

Tirigi Yesus ngat lo, iba ingon com Noni nindig bibor nok rino pai bak no di las hwen “He mot de ug o, dikos ser ade sisar.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

KOLOSE 3:13

Ma jiwok yam au. Gino jibihi jipai yam kinei lene ma jikos ser jide sisar di jibon tunggwei sut yam biyam. Tuhan ba ningon di llei bikos ser jide sisar tu. Gima rino ma jikos ser sisar di jibon tunggwei sut yam biyam.

TIMOTIUS GI NIGOM 2:6

di kes ningut ei mem tungwatu nya yahagom ba, biteu yahagom leu sisar biyai niyaijo nijep biyok. Tug hon niyai munti dima lene Allah ndo bidem igbit tto bou bipia Noni joi sut yahagom igyai niteu leu sisarti kin niyaijo nijep.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

IBRANI 9:22

Ningat ne bit leu nok Puig Yahudi niggai serti lene suar iba ninggrom bipiap mun nyeng hagom bipwoi. Leu gino ninggrom siber bi lene bit bon Allah kos ser sisar kan bi.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

YOHANES GI NIGOM 2:12

Dimunggwom bat jen, dipas kep srat dini bije lewo Allah kos ser jide sisar drek dip Kristus tu.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.