KOLOSE 1:12 - ALLAH NIHYET MEM TUNGWATU NYA

¹² bijipai sigyo bak Icig Allah cem. Lewo Icig rino bindei ba, jidem mem jiyai mun di Noni bet ei mem Nide limwa di icoi bit Allah Ninyeng Tak Kepti di ntun nipigati him.

KOLOSE 1:12 ပူးပေါင်းရင်းမြစ်များ

NIBOU NDIG NYA GI NIGOM 6:7

Tukan di ikos tig nindig pima yok itin ei tig mma nipou ei mpia di ibei tig dima leu dihyei jou eisi pima tu ba, hagom dem mem ibingot tuhan De Ig. Gima rino tirigi ibingot ig dima ei minu ndig Yerusalem lene apak kin oi kin ngkimom nitu di ikrau kep nindigsi nya nibimbi tibim ei tungwatu nya itingou nsi bi.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

MAZMUR 116:7

Doom dingon lewo tuhan singat tut da nindig bibor.

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 79:13

Apino Ade limwa di nyeni di ninok Ade domba di anyohou nye minipai sigyo biNa bijo ninno bijo kikau ba, ug hon nohonti bi sren.

MAZMUR 97:11

Nipigati piga mem yo di ingon sren ba, ningon di llei piga mem yo di ingon kwes.

NIPINGOK NINGONTI 16:1

Tungwatu dihyeisi dini ikos dat ingon kanti nya noro Allah kos tut mun nyeng hagom bit leu Nonti ningon kanti.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

DANIEL 2:23

Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

ROMA 15:27

Ice tut yam hyet bit leu yonti ingon kanti. Noro ningat ne yoni ibon ningwam bak isut bat yo di ingon jo kep di yuhui mbum nya ei minu ndig Yerusalem drek dip Allah de mun di kei di bitut innei di mben Yahudi ikwas tut yok. Gima rino ma ngkiai nya iba ide mun di dihyeisi dini birop mben Yahudi ide ningwam hanyen biyok.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

ROMA 9:23

Ba, Allah kos tut bipia ndo nikei-kau-keisi di ug hon nohonti bi brei binye. Noni njei nikei-kau-keisi dima bak nye di Noni tin ei nye tu nya lewo ningon nggriu sut nye.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

KORINTUS GI NIGOM 9:23

Diyai gini hagom mem Nihyet Di Kei leu Allah leu binhyepo dipriet kin mun di kei di ntun Nihyet Di Kei him.

KORINTUS GI NICAN 11:14

Ma jinga leu tut yok au! Lewo Bilis cem sindem mem gima luei nitta bindo nonti nok malaikat nipigati.

KORINTUS GI NICAN 5:5

Allah tin ei ingonti mem mun di mipek kep mem nye dima bikes Nonti Ninnei ei nyeni ingonti nok bindo di bitak buk kep mun di hagom di mibitimon nye.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

EFESUS 4:6

Allah gom ngat he ba, Noni ne Icig rin bininyeng tak kep nyeni yahagom. Noni yai kep Nide midyai nya tug hon nyeni bipingok ei yahagom ingonti.

EFESUS 5:11

Ma jiyai bram tungwatu nya igyai kepti di bon ninyeng bi nya au. Lewo igyai kepti dima yok ntun ingon di dindi him. Noro ma jiba nipigati bipiga digai hagom. (

EFESUS 5:20

Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.

EFESUS 5:4

Ma jikucang tungwatu nya ba, jipai nihyet krarti ba, jihyet tigut yam cem au. Noro ma jipai sigyo bak Allah.

EFESUS 5:8

Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

KOLOSE 3:15

Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 12:23

Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

YAKOBUS 3:9

Iba idweb bipai sigyo bak Icig Allah di ninyeng tak kep nye lo, ibikkin kep tungwatu di Allah bon bou ninda him noyam kin Nonti nya inghapti cem.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.

NINGAT-HI-NGAT NYA 22:5

Mmun minggai kep yok bu bi ba, isuar mini ninjeng kin mpia njap mem gima piga digai yok bi lewo Allah Nonti piga digai yok. Leu api yoni inok nibou ndig di inyeng tak kep ide limwa nya kikau buug hon nohonti bi.