KOLOSE 1:11 - ALLAH NIHYET MEM TUNGWATU NYA

¹¹ Handei kon ba, Allah ba Nide nisindemti di mindur bibor bisindem tut je leu binhyepo jiba jibou coi mem yo di ihwen bit je ba, joom jingon tut yok ba, jingon llei bibor,

KOLOSE 1:11 ပူးပေါင်းရင်းမြစ်များ

MAZMUR 63:2

Allah e, dikuk da biNangkom ba, diyok dingon mem Nani cem. Dinggobiau sut Na noyam kin dihyei ngoisi di nggobiau sut minyei.

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

NIPINGOK NINGONTI 24:10

Gino mun di buhun bibor cut igkep na biyai angon bicut leu lene jo nibreisi bipia adem mem mun nyeng hi bi.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

KORINTUS GI NICAN 4:7

Noro mun di bitut ninnei di kei-kau-kei dima jo nyahan ei ingonti noyam kin mun di jo ei dibijigsi. Tug hon nisinati dima ne jo nibreisi bipia nyeni imbun nisindemti di sindem bibor nya bi noro Allah Nongkom rininyeng tak kep.

EFESUS 3:16

Handei kon ba, Allah di nyeng tut nikei-kau-keisi sindem tut je tug hon Ninnei leu binhyepo jingon mien nddong kei.

EFESUS 4:2

Ma joom jingon tut yam ba, jingon nggriu sut yam bijibet jingon mem yam. Ma jiba jibou coi mem yam lewo gini ne bindo di bindo tut jide ningon ngakei yamti ri.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

PETRUS GI NICAN 1:6

Ma jiba noom kep jingut kanti nya bindei mbut jide ningon di dorti tut Allah ningon kanti. Ma jiba jingon di nddong bindei mbut jide noom kep jingut kanti nya. Ma jiba jide niyai mun tug hon ningon di kwesti bindei mbut jide ningon nddongti.

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.

NINGAT-HI-NGAT NYA 14:12

Gima rino ma Allah de limwa di ibit nicuk yokti nya di ingon gom tut Yesus cem ma ingon nddong.