KOLOSE 1:10 - ALLAH NIHYET MEM TUNGWATU NYA

¹⁰ Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:10 ပူးပေါင်းရင်းမြစ်များ

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

NIPINGOK NINGONTI 16:7

Mpe dino ayai kepti nya bindei ba, tuhan joi sut na lene Noni bindei ba, ade siceu nya ihig isut bit na.

PETRUS GI NICAN 1:8

Gino mun dini yok hagom ntun jingon him bikum eisi bu lene jide nibrim ningkekti kin niyai ningat mang biborti mintun jeni him drek dip jingon di dorti tut ide Tuhan Yesus Kristus ningon kanti mem je.

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

MIKHA 4:5

Bikwop mben hagom ei dihyei njek dip dini ikuk yok bak ide kwar bibit kwar nihyet. Noro tut nyeni ne ikuk nye bak tuhan di nok ide Allah bibit nihyet bijo ninno bijo kikau.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

KOLOSE 4:5

Tirigi jipriet kin yo di ingon jo kep bi nya lene ma jiba jingon di ki biyai jibou tut yok bikwop nikwesti hagom.

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

KORINTUS GI NICAN 2:14

Noro nipai sigyo bak Allah di bindei ba, nicoi bit nimpung yo di ibindei timek sisar nisindemti tug hon nyende niyaijo nok gom kin Kristusti. Allah ba nyeni bitri tut Kristus ningginausi leu api nihyet dima ntek gimahap nok ninghap di ui-gwang kei di nuui kieng kep mpia.

ROMA 6:4

Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

EFESUS 5:10

Ma jita jibou ei jiyai munti di bindei di Allah joi sut jeti nyati.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

TITUS 3:1

Ma apingok yo di ingon jo kep nya ingonti leu binhyepo ikuk yok bak nibou ndig nya kin yo di igya kui yok bibit ighyet ba, itin ei mem gima yahati tut igyai munti di kei bibor nya.

KOLOSE 3:20

Munggwom jen! Ma jibit jicig bat-jipmem bat nya ighyet noyam kin munggwom di ingon jo kep Tuhan lewo gini bindei ba, Allah joi sut je.

EFESUS 4:13

Tug hon nisinati dima lene nyeni ibicom yam nok gom tug hon ide niba ningon comti kin ide ningon di dor niti tut Allah Nipmot noyam. Apino imahan tug hon ide niba ningon com Kristusti bikum eisi sindam bibou ikei-kau-kei noyam kin Noni.

HABAKUK 2:14

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.

IBRANI 11:5

Niba ningon comti bindei ba, Henokh mai bi noro Allah teu noni tut niyaisi leu dihyeisi. Bihi inggok noni noro bit bon ingat noni bu bi lewo Allah teu noni leu su. Bit leu nok gi ipas ei Allah nihyetti “Nipou tirigi Allah teu noni bigyo ne Allah joi sut noni.”

2 TIMOTIUS GI NICAN 2:4

Tentara di tindei ser pran yai midyai nyeng can bi. Leu binhyepo pwoi nibou tentara ningon ba, joi sut noni.

KOLOSE 2:19

ikrau kep Kristus di nok nibou mem ningut bu bi. Kristus nibie tut ningutti bindei ba, ningut titut cim tindei yam tug hon ninggiluk kin nituti nya ba, Noni nyohou hagom leu binhyepo ningut yai nisindemti bit leu Allah ningon kanti.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

KORINTUS GI NICAN 9:8

Allah sindem mem gima yai mun di jisuar nya dor tunggwei bije leu binhyepo jima bibikwop mun di jisuar nya. Lene jikwas nikenti di dor tunggwei leu leu binhyepo jibingondut yam kikau nok.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

ROMA 4:12

Noni ne ide pung di bitut innei mem yo di igyai midut sunat cem intun him ri. Lewo yo dima igyai midut sunat he bi noro igyai niyaijo drek dip ide niba ningon com Allahti bit leu nok Abraham di ba ningon com Allah nipou tirigi noni yai midut sunat bigyo.

ROMA 1:13

Disut bat jen, ma jiyok ngon kep bipia dipi bidihwou ngat je mbirimang tu noro mun nyeng hi bigen ser da. Midihwou ngat je leu binhyepo diyai midyai ei jikieti bibindei ningat ntun him noyam kin midyai di diyai ei ngkiai nya ikieti dima di ningat ntun him ei minu hi ter tu.

KORINTUS GI NICAN 5:9

Gima rino ibrim ingkek bipwoi Tuhan ningon mem nijam dino ibong ser ig di ntun dihyeisi dini him kin nijam dino yuug ei ginyo kug cem.

YOHANES GI NININGAI 1:6

Yo dima ipui sut ade ningondut yokti bak yo di mbusyamei ei minu ndig dini tu. Ma ampu yo dima tut mun di isuar mem imbutti nya. Tug hon nisinati dima ne Allah joi sut yok.